Ахиран Iу исан арайиъ инсанарис ягIархьуне цIае коронавирус агъа иттал. Фикир акьучин, дуьйил верш ис гIартай фи хьунара са азар бадил ве. Са вахттуни хьуне чума, хабди холера, гьал коронавирус. Ме итталари ппара инсанар пуч акьуне. Авал вахттари руб дарман адавай пуч вейи, гьал гъайшиная иттал рубар, дарманар акьучира джаллабурис кумак вейдава. Сифтта ме итталис вакцина адихьасттегьен ппара хьуне кIиттар. Гьалра аме кIиттарин хIисаб, амма удигьай вахттунихъ хъуттурфуна, чIукь хьуная.

ЦIайи вакцина бадил хьу вахттуни инсанар хъудугъай, гучIай иджи рази вейдавуйи йирхIас. Хабди вахттар ккеттвей ягIархьуне руб ийрхIубна дайирхIуб джурейи идеф. Ме кар бадала хье райондиъра вакцина акьу инсанар ппара хьуная. Сад мебурикес Ирина Курбанова. Ми кар аркьая КЦСОНдиъ МО «Агульский район».  ХIуькуматин кардил алдея вахттуни гьер ягъа гьучархьа инсанарихъай. Кеудигьай учин сагъвел бадала, хабди джуреттарихъасра фикир акьуна йирхIунафе ми руб.

Луиза Гусукаева