Выпускникар, ягъур хьурай!

выпускникар

Мактабарин ахиран звонок ке шадвелдинфра, ке пашмалдинфра э. Садпе классарис бегелмиш ягъ, цIесадпеттарис — пашмал, фас пичин садпеттарис подаркабур гIачархьа, сасрабур — сад сайихъас хъаттархьа.

Магьа ме исара кIилди хIуькуматин мактабарихъай Тпигъарин мактабиъра хьуне хIа ягъан линейка.

Учин насихIетин чIаларилди хIа ягъ дахъуне мактабин организаторди Мегьрибан Абдуллаевнайи. Мин кьабахъай выпускникарис батIар чIалар пуне мактабин директорди Камал Гаджимагомедова. Ми пуне: ХIурматлу выпускникар! ЯгIа чун ккиркIуна мактабра гьерф гьер усади весе. ЯгIа йирхIасе ахиран звонок. Ме звонок мактабин ахиранф, хуппай чве Iуьмурдин садпеф.

Чвас мубарак хьурай хурубар ккиркIубар, чун батIарди йирай ЕГЭ.

БатIар насихIетин чIалар пуне Джафар Исакова, мегIелим – ветеранари Насрадин Курбановича, Муслим Мусаевича.

Хабди гъургъуне выпускникарин садпе мегIелимар Барият Гададовна, Тамам Рамазановна. Мебирира батIар чIалар пуне чиппин садпе ученикарис.

Выпускникарира чиппин багулихъас пара чухъ сагъул хьурай чвас пуне мегIелимарис, чиппихъас ацIуна загьмат дивуна дарсар еттарис.

Хуппай аттфайдине хIуькуматин гимнра атай Российинра Дагъустандин пайдагъар. Садпе классари хуруне стихотвронибура, хуппай гьучушуне подаркабур гъушанас.

КкиркIуне хIа ягъ лихъунарна мегънибур аркьай. Жаллабурахъай шикилара йирхIуне.

Тпигъарин мактабиъ суман торжественный линейкабур файшуне кIилди райондин хIурариъ. Ппара иже хьуне са ЧП-ра дахьуна.

выпускникар.jpg2 выпускникар.jpg3 выпускникар.jpg4 выпускникар.jpg5 выпускникар.jpg6 выпускникар.jpg7 выпускникар.jpg8 выпускникар.jpg9 выпускникар.jpg10 выпускникар.jpg11 выпускникар.jpg12 выпускникар.jpg13 выпускникар.jpg14

Добавить комментарий

Ваш e-mail не будет опубликован. Обязательные поля помечены *