Уважаемые земляки и все те, кто интересуется проблемами агульского языка!

Предлагаемый проект орфографических правил написан в 2018 по заданию ИЯЛИ ДНЦ РАН ( еще в 2006 г. по их же заданию я составляла такой же Проект, но он тогда остался невостребованным).

До сих пор у нас нет утвержденных Орфографической комиссией РД правил орфографии, хотя письменность введена с 1992 г.  и  агульский язык преподается в школе и вузе. Остро стоит также вопрос о нормативных словарях.

Отправляю данный Проект для обсуждения. Все замечания и предложения, советы будут с благодарностью приняты.

При анализе проекта прошу обратить внимание на следующие моменты:

  1. Научные термины, в том числе и лингвистические, давать как кальки, полукальки или писать так, как в русском языке (например: названия частей речи – ч1алан паяр, главные члены предложения – предложенин к1илин членар и т.д.).
  2. Очень активно в агульский язык на современном этапе проникают слова из русского языка, а через русский и английские и др. если учесть, что в основе орфографии агульского языка (как и во всех дагестанских языках) лежит принцип фонетический (фонологический). Как писать заимствования: так, как мы их произносим по фонетическим, грамматическим законам агульского языка или писать их как в русском (учитывая, что агульцы сегодня достаточно хорошо говорят на русском языке и произносят заимствования из русского тоже близко к языку-источнику).

На наш взгляд, ранние заимствования, ассимилированные языком, писать так, как они произносятся (бурджум←пружина, пич←печка, усттул←стол и стул, пенджег←пиджак, тилифан←тилифан, биргадур←бригадир, килав ← кило, килограмм и т.д.).

Например школа или ушккула/ ушккола,  титрат или тетрадь, даскка или доска, самалут или самолет, ппарахут или пароход. Как легче опознать слово при восприятии написанного?

Так, как оно пишется в русском и произносится в агульском, или отражая правильно ту или иную фонему, морфему.

Имеющиеся словари по агульскому языку дают разные варианты написания одних и тех же слов. Причем, в одном и том же словаре одни слова пишутся по произносительным законам агульского языка (отражая геминированные звуки), а другие – так, как в русском (ппасппурт, но тире, а при правильном отражении звука тт должно быть ттире,  трактор (вместо ттарахттур или ттракттар; павидла (должно быть ппавидла, палата (должно быть ппалатта), юбка/ юпка ( д.быть юпкка) и т.д.

Для сравнения: в лезгинско-русском словаре (М.М.Гаджиева, Р.И. Гайдарова) дается: трактор, тракторист, точка, торф, ток. трасформатор, шкаф, школа, традиция, трапеция, вокзал, вожатый, т.е. как в русском языке. Но в алфавите лезгинского языка нет букв для обозначения геминированных согласных.

  1. Прошу обратить внимание на заимствования из русского языка, оканчивающиеся на ие,—ия. В устной агульской речи в таких случаях происходит апокопа (усечение конечного гласного), п.ч. два открытых слога, в конце слова в агульскому языку не характерно. Имеющиеся словари также не дают единообразия ( или как в русском или так: объявлени, традици, отделени, орфографи),.

На мой взгляд, нет смысла писать их без одной конечной буквы в им. падеже, их нужно дать так, как в русском, а в косвенных падежах, или в форме мн.ч. конечная гласная выпадает, ее не нужно писать ( объявленибур, орфографин и т.д.)

  1. В агульском языке нет противопоставленности согласных фонем по мягкости-твердости, поэтому возникают вопросы при передаче слов с такими звуками из русского языка. На наш взгляд, их тоже нужно в им. п. давать как в русском (воспитатель, огнетушитель). А в остальных формах, без мягкого знака (воспитателари).
  2. Необходимо установить единообразие при написании слов на двойные буквы: в словарях встречаются написания слов с йа, йу, йе, йо, а также с я, е, ё, ю. (в словарях встречается йируш и йуруш, я предлагаю написать юруш, юрт, но йирк1в, п.ч. нет соответствующей двойной буквы.
  3. Относительно лабиализованных согласных. В некоторых словах конечные лабиализованные согласные в косвенных падежах утрачивают данный признак: йирк1в – йирк1вар, но: йирк1ура, йирк1уран (вариант: йирк1вура, мерк1ву) и т.д. В словарях наблюдается разнобой.

С уважением и благодарностью за помощь, совет и замечания, Салминат Нурадиновна Гасанова, докт. филол. наук, профессор кафедры теоретической и прикладной лингвистики ДГУ

Контактная информация:

Тел.: 8-906-482-55-66

e-mail: gsalminat@yandex.ru

 

Проект

АГЪУЛ ЧIАЛАН

ОРФОГРАФИН КЪАЙДАБУРИН

СВОД

 I. Сесар дузди ликIиб

Ачухъ сесар дузди ликIиб

Ачухъ сесар агвар аркьа хIерфар «е», «ё», «я», «ю», «о», «ы», «э»

ишламиш акьуб.

  • 1. Агъул чIалаъ «ы» хIерфуни агвар бинайиъастти жуван гафар адава, ме хIерф ишламиш аркьа агъул ч1алаъ сасра чIалариъас, хIа пай Iуьрус чIалаъас, аде гафариъ: лыжабур, выставка, посылка, вожатый.
  • 2. Ачухъ сес /о/ агъул чIалаъ адава. ХIа пай ме сес агвар аркьа хIерф «о» ишламиш аркьаф э сасра чIалариъас адинае гафариъ: орден, отпуск ва хъ. гь.

Амма агъул чIалан са-са междометибуриъ, частицабуриъ, местоименибуриъ /о/ гьучархьа: во-о-гьа, гьо –о-те.

Примечание. Iуьрус чIалаъас аде гафариъ «о» хIерфуни агвар аркьа сес, гъургъагуна Iу тагьарис агъихьа: гьеге сесунил ударение алдегуна /о/ суман: округ, отпуск, орден; алдавагуна – /а/ суман, амма ликIенф гьемишанди «о» хIерф э: октябрь, ноябрь, больница.

  • 3. «Ё» хIерф гафунин кIилиъра, яIаниъра, ахираъра гьучархьа:

а) гафунин кIилиъ яра сасра ачухъ сесунин кьабахъ «ё» хIерфуни Iу сес агвар аркьа – /йо/: ёлка, мумиё;

б) эгера ачухъдава сесунин кьабахъ гьучархьахаб «ё», ги са  сес /о/ э агвар аркьаф: отчёт, вертолёт, самолёт ва хъара гьегишттин гафариъ.

Къайда. ЙиркIурал ухI: Iуьрус чIалаъас адинае район, йод, майор гафариъ ё лиркIендава, йо ликIенде.

  • 4. «Э» сес гагь «э» хIерфунилди агвар аркьа, гагь – «е» хIерфунилди.

Гафунин кIилиъ ликIенгуна ме сес, «э» хIерфунилди агвар аркьа. Магьмиштти: эхъ, эгера, эрдж, элхъес, элхIенас, эхи. Эгера ачухъдава сесарин кьабахъ, яра арайигI гьучархьайчин, – «е» хIерфунилди: берхIем, шейъер, серг, верхь, легIли ва хъара гь.

  • 5. «Е» хIерфуни са -са мукьариъ Iу сес агвар аркьа / йэ/, сасра мукьариъ – са сес /э/: ерид, ерхьид, егь (частица), емиш, ери (межд.), ерсеф, есир.
  • 6. «Ю» хIерфуни Iу сесра /йу/ агвар аркьа (гафунин кIилиъ, ачухъ сесарин кьабахъ), са сесра /у/: юруш, юхсул, юз, юл (юлаъ аеф), , , уюнар,.

Iуьрус чIалаъас, сасра чIалариъас аде гафариъра гьучархьа ме хIерф гафунин кIилиъра, ачухъдава сесарин кьабахъра: бюро, парашют, юг, июнь, юбилей, юбка, резолюция ва хъ. гь.

  • 7. «Я» хIерф Iу джуьрайилди ишламиш аркьа:

а) Iу сес агвар акьас /йа/: ягъ, яр-ярар, яш, ярх, ярд, ярма, ягIа, якк, язукъ, эхIттият; глаголин агьалдин вахттунин  формабуриъ: ая, вея, аркьая;

б) са сес агвар акьас –/а/: дягIви, , элхIяд.

  • 8. Ачухъ сес /УЬ/ (удигь джалгайин, вартти подъемин лабиализованный сес) агвар аркьа хIерфра гьеге э «УЬ». Ме сес гафунин гьер джуьре мукьариъ гьучархьа:

а) гафунин удигь кIилиъ: уьтт, уьреген, уьштт, уьттарар;

б) гафунин яIаниъ:суьл, суьре, дуьнья, куьча, зуьлез, туьлуьнг.

  • 9. Существительныбурин, глаголарин, сасра чIалан паярин дибдиъ, бинайиъ, са-са формабуриъ сесар дагиш хьеб мункин э (чередование ) : а –у, е-и, у-о, д-тт; хал – хулар, хьед – хьиттар (дурушт, дулд.), гъуй- гъвара ва хъ.гь.
  • I0. Ачухъ сесар /а, и, у/ агвар аркьа хIерфар ликIенфра, агъихьафра сасуманди э: арах, аратI, ая, агъ, арчал, багъ, булах, мугI, гIуй, кьур, улуд, иреф, ирхеф, иъ, ниъ, кIиллеф ва хъ.гь.

 

Ачухъдава сесар дузди ликIиб

 

  • 11. «Й» хIерф ишламиш акьуб.

«Й» хIерф агъул чIалаъ гьучархьа гафарин удигь (ачухъ сесунин /и/ удигь): йиркIв, йирхIун, йи;

гафунин яIаниъ: майдан, айван, чейдан, хIейван. ХIа пай сасра чIалариъас адеттар э мишттин гафар;

ахираъ: аг1ай, будай, баллай, к1амай, л-улай, 1ебай.

«Й» хIерф хъара гьучархьа:

1) эргативдин формабириъ, эгера им.п. форма ачухъ сесунилди алгъартIаяхаб: бала (им.п.) – бала-йи (эрг.), хат1а – хатIа-йи, гулла  – гулла-йи;

2) деепричастин агьалдин вахттунин формайиъ: хурай, агъай, рукIай, иттай;

3) глаголин алттушу вахттунин формабуриъ: адавейи / адавей уйи, хурайи / хурай уйи;

4) императивдин формайиъ: ушурай, акьурай, пурай;

5) ширинди, бицIиттарихъай гъургъагуна ишламиш аркьа существительныбурин: Iулумай, джакьумай, чарккумай/-тIай;

6) существительныбурин ахираъ: бакъай, будай, ккуккалай, чIакьалай, хIеджимай, Iатталай;

7) инсанарин ттурариъ: Кьубай, Iебай, Кисай, ДжумIей, Хадиджай, Къизалай;

8) маларис, пеIерис хъитIу ттурариъ: Рашай, КIарай, БакIай, IурчIай.

  • 12. «Ъ» хIерф ишламиш акьуб.

1) Агъул ч1алаъ ая гьеме х1ерфуни агвар аркьа ларингальный сес: ниъ, иъ, леъ, ваъ.

2) Ме хIерф агъул ч1алаъ ишламиш аркьа хъара диграфдин элемент суман увулярный, фарингальный сесар агвар акьас /къ, гъ, хъ/: гъурагъал, рагъ, къадакъ, вакъ, къакъ, къушум, банхълунхъ, хъурухъ;

3) «Ъ» хIерфуни агвар аркьа инэссив падежин аффикс: хал-а-ъ, китаб-и-ъ, дар-а-ъ, г1ана-ъ. Гьеме хIерф ликIенде направительный, исходный серибурин формабуриъра.: китабиъас, дараъас, хулаъас, дараъди, хулаъди.

4) Iуьрус чIалаъас аде гафариъ ме х1ерф ишламиш аркьа разделительный твердый знак суман , амма гихъ учинф иде сес ме ч1алаъ адава: объем, съезд , подъезд;

  • 13. «I» хIерф ишламиш акьуб

Ме хIерф агъул чIалан ликIибариъ составной элемент суман хъучихьа сасра хIерфарихъ, абруптив сесар, фарингальный сесар агвар акьас (гI, кI, пI, тI, чI, хI: кIур, пIер, чIар, чIичI, ручI, дукI ва хъ.гь.

Гьеме «I» хIерфуни хъара агвар аркьа бинайиъастти агъул чIалаъ ая ачухъдава фарингальный сес. Ге хIерф/сес гафунин ахираъра гьучархьа, кIилиъра, яIаниъра: лиI, пеI, IурI, мерI, Iуьр, Iареф, Iаш, IуькI,Iекв, Iаб, IурI, яIар, IуьрIен.

  • 14. Лабиал сесар дузди ликIиб

Лабиал сесар агвар аркьа х1ерфар агъул ч1алан алфавитиг1 г1ачихьуна адава; джалла гьегишттин сесар лик1ибариъ агвар аркьаф са тагьарилди э – «в» х1ерф хъучихьай: гв, гъв, гIв, жв, джв, кв, ккв, къв, кьв, кIв, св, тIв, хв, хъв, чв, ччв, чIв, цв, шв: гвар, Iегв, агъвар, гIвас , жвартI акьас, Iекв, кквар, къвар, къваркъв, джакьв, кьвакьв, кIекIв, IартIв, хвар, хъехъв, хIешв, ацварар, аларцвас, чIвартI, Iашв, мерджв, исв, ччварччв,алайчIвас, нецIв ва хъара гьегишттинттар.

Са-са формабуриъ лабиал сесарин тагьар гуланде: йирк1в (им.п.), йирк1вар (им.п. мн.ч.), амма йирк1ураъ, йирк1урас, йирк1уралас.

К1ек1в – к1ек1вар, аммма: к1ек1уран, к1ек1уракди/к1ек1укди; 1арт1в – 1арт1вар – 1арт1ун, 1арт1ук

  • 15. Придыхательный сесар дузди ликIиб

1) агъул чIалаъ ая ачухъдава сесар нафас хъай агъихьаттара, хъудавай агъихьаттара. Нафас хъаеттар, придыхательныбур, са хIерфунилди агвар аркьа: к, т, п.

2) Iуд хъай-хъай сасуман хIерфарилди ачухъдава геминированный сесар агвар аркьа: кк, тт, пп.

Магьмиштти: рак – ракк, тур – ттур, лап – ппапп.

3) Сасра чIалариъас аде гафариъ Iуд сасуман хIерфар аяхаб, агъул чIалаъра гебур илгванде: баркаллагь, асуллу, Iекьуллу, касса, амма, келла, гулла, джалла.

4) Iуд сасуман хIерфар ликIенде хъара:

а) эгера гафунин ахираъ «л» хIерф/сес аяхаб,  гихъди хъукъас аркьа союз —ла хъучархьаяхаб: пул +ла – пулла ккул +ла – ккулла;

б) эгера гафунин ахираъ «н» айчин, -на союзра хъучихьайчин: зун –зунна, вун – вунна;

в) ахираъ гафунин «р» аяхаб, союз–ра хъучихьаяхаб: гIур – гIурра, укьар – укьарра).

Мункин э -на, союз хьуна кканевусаъ –ра ишламиш акьубра: зунра, вунра;

  • 14. Гафунин дибдиъ дагиш вере (чередование) ачухъдава сесар дузди ликIиб

Агъул чIалаъ гафунин дибдиъ, мерIерин ахираъ ае ачухъдава сесар дагишве. Гьеге дагишвере, гъадарка сесар фиштти унихьайчин, гьегиштти ликIенде гафуниъ.

Магьмиштти: хIуб – хIуппар, куб – куппар, хьед – хьеттар;

гъуй – гъвара, чи- ччиччи (эрг. п).

 

II. ЧIАЛАН ПАЯР ДУЗДИ ЛИКIИБ.

Существительныбур ва гебурин ахирар дузди ликIиб

  • 15. Iу гафуникес хьунае (сложный) существительныбур хъукъуна ликIибна дефис гIай ликIиб.
  1. Хъукъуна ликIенде:

а) хъукъуна ликIенде атрибутивный словосочетанин тагьарилди (прил.+ сущ.) хьунае сложный существительныбур, Iу гафуникес хьунаеттар ичира, ударение сад э гебурил алвеф (словосочетанин гьер са компонентил учин ударение джуьрейи алве): хIабаб (х1аф+баб), хIадад, кIарантIур, цIухур (цIин +хур), кьуссебав (кош.д.), кьуссебудай, бешагъуй (беша/ф/+гъуй), уджкIур (кош.) (уджас + кIур), хъурухъ, тIубруц.

б) хъукъуна лик1ендде Iу гафуникес хьунае идемарин, хумбарин ттурар: ЦIаеваз, Iаттебаб, Сукъурдад, БицIирамазан, ХIарамазан, БицIируш, Къизилгюл, Iашурбаб, БицIимазай, ХIаIали;  

в) хъукъуна ликIенде сложный существительныбур чаб Iу существительныйдикес словосочетанин модельдилди (им. п.+им.п.) хьунаеттар, гьегишттин существительныбурилра са ударени э алвеф: фуртIун (фур+тIун), гIалахьир (гIул +хьир), гIалашуй (гIул+шуй), хIеджилеглег (хIеджи + леглег);тавурхал (тав +ур +хал)

г) ая сложный существительныбур хьибуд, якьу компонентикес хьунаеттар: къаркагIуб (къарк+але +гIуб), чIакьаIуьфер (чIакьаъ +ае +Iуьфер) ва хъ.гь.

ариш-ваиш, хал-хизан

  1. Арайиъ дефис ай лиркIенде:

а) мягIнайин чаб чиппис къаншарди ае гафар (антонимар), яра мягIнайин багунвелар аеттар (синонимар), са гаф 1угелай хъай-хъай агъай хьунае гафар (существительныбур, прилагательныбур, наречибур):

дад-баб, джилар-завар, кIен-кIил, йиркIвар-лекIер, иджеф-Iаеф, Iаттеф-бурIеф, Iекьуб-гъайшиб, рихуб-салам, ушуб-адеб, чал-джуваб, ариш-вариш, хал-хизан, шиниккв-шараг; ягIа-багагь, нис-нисай, ул-улай, джар-джарай,

б) гьер джуьре унарин, сесарин ухшарвел агвар аркьай, сесар хъагъуланди хьунае гафар: тархъ-пархъ, айхь-вайхь, тIакьракь-пIакьракь, цIив-цIив, чIигъ-пIигъ, цIугъ-бугъ, гурп-дурп, чIигI-пIигI, Iештт-киштт, цIакьракь-пIакьракь, дугруг-бугруг ва хъ.гь.

  • I6. Эргатив падеж агвар аркьа формантар агъул чIалаъ магьме группабур ая:

1) гафунин бинайин ахираъ ачухъдава сес аяхаб эргатив ве:

а) –а, аффиксарилди: дад-а, дар-а, к1уш –к1уш-а, хал – хул-а, гIан —а, кьур – кьвар-а, кьуркь– кьуркь, гIар –гIар, сув – сув-а;

б) –у:  тIуб –тIуб-у, , лек –лек-у, кирк – кирк-у, руг – руг-у, тIаб –тIаб-у, рекъ рекъ-у;

в) –и:; гъил-гъил-и, фун- фун-и, джил – джил-и, ун-ун-и, ул-ул-и мугI – мугIу/ мугI-уйи;

г) –ура, -уьра: чIид –чид-ура, гIуб – гIуб-ура, лиI –лиI-ура, шатт –шатт-ура/-у. тIутI – тIутI-ура/-у, дустт –дустт-ура, хъехъв – хъехъ, мирг – мирг-ура;

в)ани,-ени,-уна: кIур- кIур-ани, , неч – неч-ени, вец – вец-уна,;

г) -ала,- ела: ккекк –ккекк-ела, ваз – ваз-ала, гъад –гъад-ала, пеI –пеI-ела,

д)– ди: кар – кар-ди, хIейванхIейван-ди/хейван-и, гъван – гъван-ди, айван – айван-ди, ишан –ишан-ди/ишан-и, дарман – дарман-ди/ дарман-и, илан –иланди/ илан-и.

е) –ва: шуй – шув-а,

ё) -ра : гъуй – гъва-ра

2) эгера гафунин бинайин ахираъ ачухъ сес аячин, эргативин ахираъ –йи аффикс ликIенде:

тартта- тарта-йи, парча – парча-йи, шуша- шуша-йи, лепе – лепе-йи, устта- устта-йи, джуьнна – джуьнна-йи, келла- келла-йи, бахтта –бахтта-йи, ккекку – ккекку-йи;

3) агъул ч1алаъ ая гафар эргатив падежин формара, им. падежин формара тек къайдайиъ сасуманди вереттар:

хьили (им.п.) – хьили (эргатив), гуни (им.п.) – гуни (эргатив), хIуни хIуни (эргатив), даги (им.п.) – даги (эргатив), легIли (им.п.) – легIли (эрг.п.), гъури (им.п.) – гъури (эрг.п.);

ПРИЛАГАТЕЛЬНЫБУР, ПРИЧАСТИБУР

ДУЗДИ ЛИКIИБ

  • 17. Агъул чIалаъ прилагательныбурин, причастибурин тек формайин им. падежин ахираъ –-ф аффикс ликIенде.

Магьмиштти: иреф, кIареф, къикъеф, илгунф, гьаваф, ирхеф, кьулкьунф.

Прилагательныбур, причастибур сасра гъафарихъ хъиртIанди словосочетанибуриъ, ишламиш аркьагуна – аффикс –ф гIархьа:

Магьмиштти: бицIи чу, джагвар ибхь, гьава сув, гъазе IуькI, итте чай, тегIде нецIв, аргI къаб.

Сатти, джуьрейи ишламиш аркьагуна, тек формайиъра, ппара къайда агвар аркьа формайиъра прилагательныбур, причастибур существительныбур суман дагиш ве падежариъ:

им.п.  хураф- хураттар (хъуттурф сущ: гъил, гъилар)

эрг.п. хуратти- хураттари (гъили, гъилари),

р.п: хураттин, хураттарин (гъилин, гъиларин)

д.п. хуратис, хураттарис (гъилис, гъиларис)

Аффикс –ф падежарис дагиш верегуна гIархьа: бицIиф (асул п.) – бицIи-тти (эрг.п.). бицIитти-с (дат.п.);

 

Арайиъ дефис ай ликIенде:

 

  • 18. Iу мерI ае (сложный) прилагательныйбур дефис гIай ликIенде, эгера мерIер мягIнайилди гьучадаркеттар, къаншардеттар ичин: мучIе-Iеквеф, джикъе-хъунтеф, багу-кIилинф, иджеф-IаефЮ гIукъуф-хъукъуф, иджеф-Iаеф ва хъ.гь.
  • 19. Редупликацин способилди, са гаф Iу-Iугелай агъай хьунае причастибур яра Iудпе гаф гьеге гаф, удигь отрицательный аффикс аяф идехаб: агуф –дагуф, акьуф-дакьуб, пеф – дапеф, IуьтIуф-деIуьтIуф еф-даеф, гъушуф-дагъушуф, аяф-адаваф,
  • 20. Причастибура, прилагательныбура существительный суман э дагиш вереф эргатив падеждиъра ва гьеге падежин бинайикес вере сасра падежариъ.

Магьмиштти: иреттар – иреттар-и, иреттари-с, иреттари-хъ; ахъатуттар – ахъатуттари, ахъатуттари-с, ахъатутари-хъ ва хъ. сасрабура гьегиштти.

Числительныбур

  • 21. Агъул чIалаъ ая числительныбур сан (сандин къайда) агвар аркьаттара (къайдайинттар), нубатинттара. Къайдайин числительныбурин ахираъ формантар —д /-р ая: сад, уд, хьибуд, къад, хьибцIур.

Простой числительныбур агъа са мерI аеттарис. Гьемишттинттар э сайилас йицIуйилди рукьуна (I–I0): сад, Iуд, хьибуд, якьуд, гIифуд, ерхьид, ерид, муяд, ерчIуд, йицIуд, къад.

  • 22 Сложный числительныбур агъа Iу мерI аеттарис, гьегишттинттар э:

а) цIесайилас цIеерчIуйилди рукьуна (11-I9), гебур ликIенф магьмиштти э: цIесад, цIеIуд, цIехьибуд, цIеякьуд, цIегIуьфуд, цIеерхьид/ цIерхьид, цIерид /цIеерид, цIемуяд, цIерчIуд /цIеерчIуд;

б) йицIударин ттурарин ахираъ показатель –р ликIенде: хьибцIур (хьибуд +йицIуд), ягъцIур, гIуьфцIур, ехьцIур, ерцIур, майцIур, ежцIур.

в) агъул чIалаъ ая са -са числительныбурин ттурар къайикесна простой числительныйдикес хьунаеттар: хьибукъад, якьудкъад, хьибукъадпеф, якькъадпеф. Гьегишттинтар 1уссе поколенин гъургъа ч1алаъ дала гьучархьай андава агъул ч1алаъ.

  • 23. Составной числительныбур агъа Iу-хьибу гафуникес (Iу-хьибу числительныйдикес) хьунаеттарис. Составной числительныбурин союз «-на» удигь гьая гафунихъай/числительныйдихъай хъукъуна ликIенде: хибцIурна сад, ягъцIурна ерид.

1) составной числительныбурин садпе гаф «къад» числительное идегуна, гебур магьме тагьарис ликIина кканде: къанна сад (къадна сад ваъ), къанна Iуд, къанна хьибуд. Сасра составной числительныбур джалла са тагьарилди ликIенде: хьибцIурна хьибуд, хьибцIурна гIуьфуд, ягъцIурна ерид, ерцIурна муяд ва хъ.гь.

2) верш, агъзур, миллион гафар чиппин удигь яра кьабахъ ае гафарихъай джуьрейи лиркIенде: Iу верш, якьу агъзур, хьибу вершна гIуьфцIур, са миллион.

  • 24. Нубатин числительныбур вереф агъул ч1алаъ къайдайин числительныбурихъ причастие пеф хъучихьай э. Учин удигь гьае (ге хъучихьае) числительныйдихъай причастие пеф хъукъуна ликIенде: садпеф, Iудпеф, къадпеф. Словосочетанибуриъ, предложенибуриъ сасра гафарихъай хъитIуна мебур ишламиш аркьагуна, причастин ахираъ ае аффикс –ф гIархьа: садпе дарс, Iудпе мартаба, къадпе страница, хьибудпе чи.

Гьегишттиин числительныбур цифрабирилди ликIенгуна, гебурихъ «пеф» агъа причастин еринди дефис ликIенде.

Магьмиштти: I0- ягъ, (или лучше I0-пе ягъ?), 20I8- ис (Iу агъзурна цIемуядпе ис).

  • 25. Распределительный (пай аркьаттар) числительныбурин (Iугелай са числительный хъай-хъай агъай хьунаеттар) арайиъ дефис ирхIа: са-сад, Iу-Iуд, къа-къад.

Удигь гьае числительныйдин формантар -д, -р – гIархьа: хьи-хьибутти ( хьибуд –хьибутти ваъ).

Эгера распределителный числительныбур сложный числительныбурикес хьуна айчин, яра Iу слогин гаф ичин  числительное, гебурин удигь гьае числительныйдин са слог гIархьа: йи-ицIуд, му-муяд, хьи-хьибцIур.

  • 26. Дробный числительный цифрабурилди давай, гафарилди ликIенгуна, магьмиштти агвар аркьа: хьибуйикес са пай (I/3), йицIуйкес Iуд (2/I0), ерийикес гIифуд (5/7).
  • 27. Ттурарин еринар (местоименибур) дузди ликIиб.

Суалин местоимени фуш? падежариъай дагиш верегуна, диб дагиш ве (супплетивдин форма): им.п (асул.п.): фуш, эрг.п. –гьина, род.п. гьинан, дат.п. гьинас, инэссив гьинаъ, направит. гьинаъди, исх. гьинаъас ва хъ.гь..

  • 28. Суалин местоимение фи? актив (эргатив) падежиъ, эргативикес хье сасра падежариъра, учин диб дагиш аркьа: асул п. фи, эрг.п. фитти, род.п. фиттин, дат. п. фиттис, инэсив фиттиъ, напрв. (латив) фиттиъди, элатив фиттиъас хъ.сасрабур.
  • 29. Указательный местоименибурин тек кьадариъ формайиъ именительный падежин ахираъ ае хIерф/сес «е», аме падежариъ «и» сесунилди духIуб ве: им. п.ме, те, ге, ле ; эрг.п.: ли, ми, ти, ги; род.п. лин, мин, гин, тин.

Къайда ппара агвар аркьа формабуриъ гьеге «е» хIерф илгванде: лебур, мебур, тебур, гебур; эрг.п. гебури, мебури, лебури, тебури; род.п. лебурин. Мебурин, тебурин, гебурин; дат. п. мебурис, тебурис, гебурис.

  • 30. Личный местоименибуриъ асул падежин (им.п.) ахираъ ае «н» хIерф, аме падежари (эрг.кидавай) ликIендава:

1) зун, вун, чун, чин, хьин, амма:

2)р.п.  зе, ве, че, хье.

3) дат.п.  зас, вас, час,чвас,  хьес;

4) эрг.падежин форма им. падежихъай сад ве: Гьина э ликIиф?зун, вун, чун, чин, хьин

  • 31. Неопределенный местоименибур верефе агъул чIалаъ частица –чи (-ичи) хъучихьай. Гьеге частица дефисдалди ликIенде местоименибурихъай: гьина -ичи, вун-чи, ги-ичи (гичи? вун-чи?).

 

Глагол

  • 32. Агъул чIалаъ ая простой (непроизводный) глаголара, сложныбура (Iу гафуникес хьеттар). Сложный глаголар вереф э Iу паяникес: садпе пай мункине хьеб гьер часть речикес, Iудпеф – глагол, кумакин глаголар хьас/ахьас, акьас, вес, э. Гьеме кумакин глаголар сложный глаголин гIанаъ хъукъунара лиркIенде, джуьрейира.
  • 33 Джуьрейи лиркIенде кумакин глаголар (масдардин яра инфинитиивдин формабуриъ аегуна), магьмишттин гафарихъай:

Садпе пай именной часть речи идегуна:

  1. I) имя существительное: хабар акьас, кьелан акьас, фуниъ хьас, улин хьас /акьас, чIир акьас, йирхIун алархьас, Iуьр атIас;

2) имя прилагательное: гъазе хьас, IуьчIе хьас/ акьас, исал хьас, джикъе акьас/хьас,

3) наречибурихъай: тегIде хьас, ахтт акьас/хьас, ппара хьас, цIуьппе акьас;

4) деепричастибурихъай : иттай ахьас, Iешай ахьас .

  • 34. Кумакин глаголар хъукъуна лиркIенде пространственный превербарихъай: ихьас (←ъ -ихьас), ккихьас (кк-и-хьас), хъихьас ( хъ-и-хьас), гIихьас ( гI-и-хьас).
  • 35. Хъукъуна лиркIенде кумакин глаголар сложный глаголин гIанаъ, эгера:

а) именной паянин арайиъна кумакин глаголин арайигI стягивающий гласный –и— бадил верегуна: унихьас (хъуттурф сасра говорариъ, диалектариъ – ун хьас);

б) кумакин глагол «э» алттушу вахттунин формабуриъ, хьасмиде вахттунин формабуриъ хъукъуна лиркIенде учин удигь гьае гаголихъай: ликIесе ← ликIес +э, хурасе ←хурас + э (е).

Агьалдин вахттунин сложный (составной) глаголин садпе пай деепричастие, Iудпе пай вспомогательный глагол «ая» идегуна, вспомогательный глагол хъукъуна ликIенде: вея (агьалдин вахттунин форма) ← вей (деепричастие) + айа (ая), хурая ←хурай + ая = хурая, агъая ←агъай +ая = агъая.

Повторяться вере слог (йа) гьемишттин формабуриъ – гIархьа: вея ( вейайя/ вей айа ваъ)

 Са-са диалектариъ, говорариъ гьемишттинвахттунин форма верегуна, вспомогательный глагол «а» ишламиш аркьа, ге глагол джуьрейи ликIина кканде:  хурай а, иттай а, вей а.

  • 36. Кумакин глаголар хьас, акьас, ес сложный глаголариъ гIанаъ джуьрейи ликIенде:

дарс акьас, дарс хьас, дарс ес, кумак акьас, кумак ес, кумак хьас, Iекьул ес, разивел ес.

  • 37. Глаголин отрицательный формабуриъ частица «дава/ттава» хъукъуна ликIенде: акьасттава (акьас + дава: эгера глаголин ахираъ глухой согласный аяхаб, отрицательный частицайин удигь гьая звонкий сес ухшар, ассимиляцикк кичархьа ве глаголин ахираъ ае нафас хъадава, глухой сесунис).

Нагагь глаголин ахираъ ае сес звонкий идехаб, частицайин тагьар гуландава: вейдава, хъадава, хьундава, амма: (д →тт: дава –ттава) ликIесттава, хурасттава, весттава, пасттава.

  • 38. Глаголин буюрмишин наклоненин формабур, хIа пай, чиппин асул мерIуьнихъай сад ве:

хурас – хур, лихас – лих/лих(ан), йирхIас – йирхI, узас – уз, гъузас – гъуз, гъушас – гъуш/ гъушен.

Са-са глаголарин буюрмиш наклоненин форма супплетивный способилдира ве:

вес –ях (ушурай – желательный наклонение), хьас – ухь (хьурай), хас – рух (хурай), пас – уп (пурай).

  • 39. Хъукъуна ликIенде сложный глаголар, эгера удигьая именной паянинра вспомогательный глаголин арайиъ стягивающий гласный аяхаб: унихьас ун +и+ хьас.

Наречие

  • 40. Производный наречибур верефе существительныбурикес, прилагательныбурикес, хъара сасра гафарикес магьме аффиксарин кумакилди: -ди, -тти, -и, -йи, -уна, -ана, -уни-, -ди.

Iурдана←Iурд +ана, гIуланагIул-ана, вахттуни←вахтт-уни; мучIи ← мучI-и, хIуьтти – хIуьтт (еф) –и, тегIди ←тегIд (еф) –и, ачухъди – ачухъ(ф) –ди, вархайи ← варха –йи, Iайи ←Iае(ф)–и

  • 41. Эгера наречибур хъай-хъай Iуд сасуман гафарикес, яра гафунин пайаникес хьунаехаб, яра дефисдалди ликIен сасра гафарикес хьунаеттар ичин, гебур дефисдалди ликIенде:

Яваш-яваштти, гъил-гъилари, лек-лек аркьай, пеI-пеIди (керхьас), уч-училди, хал-хизандалди.

ЧIалан кумакин паяр (Служебные части речи)

  • 42. Кумакин паяр агъул чIалаъ – союзар, частицабур, послелогар агъул чIалаъ магьмебур э:

на, ра, ичин, хаб, дала, дегьен, суман, гуна, гъилди, сара, эгера, амма, яра, е, са(д), гьан, хIела, гуна, хи, е . суман, сара.

Хъукъуна гафарихъай лиркIенде магьме кумакин паяр:

на, ра/ла, гун, хаб, хIела, гуна, дегьен/дахIан, гъилди, гьан, эв/эва, гва, бан, чин/ичин

Например:

1.Ттур гIаттивуна кканде шиниккввдис, уч хIа хьугуна, учин ттуругьас ламус, девегъилди.

  1. Хуна ери ягъ хьугуна, алакьуна кканве шиникквдин кIил, кIилилас алакьу чIарариъ фидегьен къакъ айчин, гьегидегьен е арс, е къизил садакьа акьуна кканве касибарис.

3.Учин гъилла кидирхIуна, уцуна файдине шиникквари гис IуькIер.Чура, чира хъай учIуне институтиъ ттиъ.

4.Тегунанхаб сара ме багварихъди къапубур хъикIуне гебури.

  1. Учифас агърукьа кар давахIела, кIил ккийндава Кьулбана.
  2. Дараъди ушуна дуч файдебан, кьимат йине ги кIиркIас.
  3. Вас зун фиркьайчи агунехи ягIа.
  4. ЯгIа вун дарукьучин, чин багагьис завал акьас инсанар.

Джуьрейи ликIенде гафарихъай амма, суман, сара, эгера, нагагь, е…е, белеки союзар. Эгера союз ичин гафунин удигь ишламш аркьахаб, ге джуьрейи лиркIенде:

  1. Ичин фикьас пефттава вун накь вас ягIа пуна.

2.Эгера багайис хъучадархьайчин, вахтт ккими хабар акье зас.

  1. Амма, къари адавай, шиникквари гъадиву ун-гьарай вершгелай алтухъ вейи къарин гьараяр-рукъаларилас.
  2. Е ме багв гъадаркуна кканде, е – те.
  3. Суман, сара служебный гафар глаголарихъай ликIенде джуьрейи : акьасе сара, пасе сара, ях сара, ге суман, агъа суман, ги суман; акьасе ичин, весе ичин.
  4. Амма условный наклоненин формабурихъай союз «ичин» джикъе джуьрайи хъукъуна ликIенде: акьучин, агучин, пучин, ушучин.

 

Iуьрус чIалаъас аде гафар ликIен джуьрабур

 

  • 43. Iуьрус чIалаъас ахиран вахттари аде гафар хIа пай фиштти Iуьрус чIалаъ ликIенчин, гьетиштти ликIенде агъул чIалаъра: компас, антенна, зарядка, телевизор, класс, ручка, карандаш, кран, экзамен, район, вышка, айфон, майонез, гречка, маршрутка, фонетика, грамматика, физика, мазь. уголь хъара са хали гьегишттин гафар.

Агъул чIалаъ ая авалди Iуьрус чIалаъас адиная гафар, гебур, агъул чIалан фонетикайин, грамматикайин законар кичархьуна, агъул чIалан гафарин тагьар гъушуная: пенджег (пиджак), джигет (жакет), пич, исттикан, духттир, ккарават, ути (утюг), усттул, усттурудж (сторож), къаравул (караул), испишкка (спичка), ппилимутI (пулемет), пистталитI (пистолет), шушкка (шашка), къайфат (конфета), мармалат (мармелад), пусукI (сахарный песок), кIатIлитI (котлета) ва хъ.гь.

  • 44. Iуьрус чIалаъас гъулан гафар агъул чIалан законарикк кичархьагуна, гебур гьер джуьрабурилди духIуб ве.

Iуьурс чIалаъ гафунин ахираъ ачухъ сес /а/ аяхаб, агъул чIалаъ гишттин гафар мишттин джуьрайи ликIенде:

  1. I) ахираъ ае ачухъ сес гуланде, гафунин диб Iуьрус чIалаъ аягъилди илгванде: машин, калуш, резин/ризин, пуштт (почта) ва хъ. гь.;

2) Iуьрус чIалаъ аегъилдира ликIенде: почта, машина, аптека, резина.

3) нагагь Iуьрус чIалаъас гъушуная гафарин ахираъ –ие, -ия,-ии, аяхаб, гъургъа агъул чIалаъ (устная речь), косвенный падежариъ ахиран ачухъ сес хъархьа: милиция/милица (милицабури, милицабурис), лаборатория/лаборатори (лабораториъди, лабораториъас), объявлени, телевидени (телевидениъ, телевиденибур …), операци ( операцибур). Асул падежиъ Iуьрус чIалаъ аегъилди ликIенде: милиция, полиция, лекция, химия. операция ва хъ. гь.

4) эгера Iуьрус чIалаъ гаф ачухъдава сесарилас башламиш аркьаяхаБ. Агъул чIалаъ гьеге ачухъдава сесарин е удигь, е арайигI ачухъ сес гIачихьа: плащ – палащ, план – палан, кровать – ккарават, книжка – кинишка/кинижкка,

  • 45. Iуьрус чIалаъас аде гафарин ахираъ ачухъдава сесар аяхаб:
  1. I) гебур агъул чIалан гафар суман дагиш ве: газ (газар, газари, газарис…), баллон/балун (баллонар/балунар, баллонарис/ балунарис…).

2) эгера Iуьрус чIалаъас аде гафарин ахираъ Iуд-хьибуд ачухъдава сесар аяхаб гебурин арайигI, яра ахираъ ачухъ сес хъучихьа: метр – метрабур/ митIри – митIрибур, центр –центрабур;

3) Iуьрус чIалаъас аде гафарин ахираъ  мягкий знак (гIудулди сес агъихьа ишан) аяхаб, агъул чIалалди ликIенгуна, асул падежиъ гьеге ишан илгванде, сасра формабуриъ – илгвандава: тетрадь/титрат, мазь, печать/пушат, воспитатель/ васппиттаттил (амма тетрадар, мазар, печатар/пушатар. воспитателар).

4) Iуьрус чIалаъ–ый, -ое, -ее, -ие, -ия,-ные  ахираъ ае гафар агъул чIалаъди верегуна, тек формабуриъ гьегиштти илгванде, къайда ппара агвар аркьа формабуриъ ахиран –й, -е. я гIархьа: подлежащее – подлежащибур, вожатый – вожатыбур, существительное – существительныбур, фамилия – фамилибур ва хъ.гь.

5) эгера собственный именабуриъ ахираъ -й аяхаб, гебур дагиш вейдава: Р. Черный – Р. Черныйдин, Д.Бедный – Д.Бедныйдин.

6) сасра гафарихъай ахираъ —й, -ое-,-ее, -ные ае гафар ишламиш аркьагуна, гебур тек формайин къайдайиъай гебур илгванде: вожатыйдин отряд, культурный инсанди, культурный инсанарис, подлежащийдин мягIна.

  • 46. Iуьрус чIалаъас аде гафар дефисдалди ликIенде: ЕГЭ-йин результатар, ОНО-йин инспектор, ДГУ-йин мегIелимар ва хъ.гь.

 

 ХIа хIерф ишламиш акьуб

  • 47. ХIа хIерф ликIенде гьер са цIае предложенин кIилиъ:
  1. АцIун исар э зун гIурчади гъаре гъурур вардиш аркьай (М.Пришвин).
  2. Гьергелай, гъварас фиттихъас хьунара хабар хьуна, ги ниъ аларкьай, хьил фацугуна, са шад ве зун (М.Пришвин).
  3. – Гьара, руц, зурба, – пуне зун хаб зе дустт Ярикас ( М.Пришвин)

Ул алчат: суалин, буюрмишин ишанар яра ппара точкабур (многоточие) аехаб гафарин ахираъ гебурин кьабахъ ликIен гафарин (автордин ва сасрабурин),  кIилиъ хIа хIерф ликIендава:

– Фие вун кезийина аяф, – пуне Кирилла Петровича, – зе гъурурин хIеят кьабул дахьеф эв вас?

– Дава, – джуваб ицIанде Дубровскийди, ахъихьуна абара,– гъурурин хIеят пппара ухьтанфе, баджат ве инсанарис ая ве гъурурис суман эркьва мукьар.

– Гьал фикьас хьин? – пуне зун.

– Фи?! – пуна гъагьархьуне ге.

  • 48. Джалла хас (собственные имена) ттурар хIа хIерфунилас башламиш аркьай ликIенде:
  1. Ттурар, фамилибур, тухумин ттурар: Рамазан, Кьулбан, ФатIимат, Газгазар, Байранар, Базар, ГIатIар ва хъ. гь.
  2. ХIуькуматарин, хIурарин, шагьурарин, чIирарин, суварин, нецIварин, гIарарин (географический) ттурар: Дагъустан, Россия, Азербайджан, Типпигъ, Магъу-дере, Буцур, Москва ва хъ.гь.
  3. Маларис, хIуппарис, гъурурис хъитIу ттурар: БакIай, Рашай, Ликьа, Санбар ва хъ.гь.
  4. Газитарин, журналарин ттурар: «Агъуларин хабарар», «Дагъустандин дишагьли», «Черновик», «Дагъустандинправда» ва хъ.гь.
  5. Шейъерин, миллатарин, тагьарарин, чIаларин, миллатарин, нахширарин, мал-къарайин ттурар бицIи хIерфулас ликIенде: хIуб, мал, агъулар, август, нецIв, булах, кIур ва хъ.гь.

ГАФУНИН КЬАТI СА ХАТIУНИЛАС САСРАЙИЛДИ АЛТТФАЙШУБ

  • 49. Гафунин пай са хатIунилас сарайилди алттгъареф слогарилди э. Са хIерф е атас хатIунил, е алттгъас сасра хатIунилди верефттава. Са слог ая гафар кIилихъди е атуна кканде хатIунил, е алттфайшуна.

Дузди э: ки-та-бар, дарс, бем-бег, ка-ран-даш.

Дуз дава: ки-таб-ар, да-рс, бе-мбег, кар-ан-даш.

Ъ, Ь, I чиппилас удигьая, чиппихъай хъукъуна ае хIерфарихъас хъаттивас верефттава (диграф суман ишламиш аркьагунара, Ъ, I чаб джуьрейи ишламиш аркьа хIерфар идегунара).

Дузди э: къе-ре-къел, кIа-реф, бу-Iас

Лабиал сесунин хIерф учин удигь гьая хIерфунихъас хъаттивафттава.

Дузди э: кьва-кьвар, кIекIв, къва-лахъ.

Дузди дава: кьвакь-вар, рекI-вер.

Эгера гафуниъ сасуман Iу хIеф аяхаб (геминированный сесар дава), сад хатIунил ами арта, сасра алттгъа: чул-леф, ил-леф, кIил-леф.

 

Добавить комментарий

Ваш e-mail не будет опубликован. Обязательные поля помечены *