Хье чIирариъ аруцагуна, уларис даргва джурейин тукарна IуькIер адава. КIилин Iуьмурди гьемисариъ яшамиш вейчинра, хьес ягIайдава гебурин ттурар, фиттис лазим ичина, фиштти ишламиш аркьайчина. Амма джалабурис бицIи амегунан хаб мич ягIа уникIер.

Мебур адава хал авейдава. УникIер агъучIа пусарилди. Мебур аве майданарил, дагьар кея багварик. УникIерин ацIуна джуребур ая. Чаб агубас сасуманттара ичинра, ниъра хъайчинра уникIерин, батIарди хъуттурфугуна ягIарве джуревел.

Инсанари уникIер акьас алучIа тук архъагунас, амма духттурари тукарик хъара ппара муфеIэт кея агъа. Шагьурари аяттарисра ппара кканве мебур, хье мертте чIирариас завал акьуттар. АцIуна гьер джурейин витаминар кея мебурик. Завал акьугуна идже ве багами дахи гъайшина. Дузди ишламиш акьучин, гьер са итталис кумак ве. Мухур хъатис, гIанаъ Iуьр аркьаяттис, давление вартт аяттис, мебурикес акьу ччам йирхIугуна кумак ве ирккар иттаттарис. Хьин ишламиш аркьа мебур ппара чайигI, яккугI гIархъай.

Iурдис завал акьуна, рукъа уникIер. Агьал башламиш акьасе инсанари завал акьас чиппис уникер. Хуппай ис исал рукьасттегьен ишламиш аркьа, хъудаваттарисра байирди мебур акьас айчIвас давереттарисра ирцIанде.

Луиза Гусукаева