Тппигъарин мактабин хIеят батIар аркьая

Ккеттушу вахттунихъ хъуттурфуна, гьалдин райондин хIатти ппара яб ирцIанди ая аме аркьа курар кидавай, рекъер батIар акьубас, хьеттар дивубас, хIурарин мактабар батlар акьубас, шиниккварин хурубарис, хъара джуре курарисра. Агьал аркьая курарихъас пучин, Тппигъарин мактабин хIеят батIар акьас башламиш акьуная.

Ге курар кидавай гъвадарин хьеттар садихъди ахвар кичикIуна гъайкагъилди акьуная канализациас фатуна нецIуъди. Мактабин хIеят хIезур аркьая брусчатка йирхIас, кIурар ая мукьариъ, тукар уза усариъ хIеятин цал идегъилди ихьая хъуруцуна бордюрар, идарайин цал идегъилди лам дахьас аркьая бетонин отмостка.

Мисаъ кар аркьая батIарди лиханас ягIа бригадайи, чиппин техникара хъай. Начальник ОКС и ЖКХ Ш.Шабанова пуне, ме ис кими час кканди ая курар акьуна ккиркIвас, нагагь гьава дагиш дахьуна мугьлат йичин.

Рамазан Ибрагимов