ЯгIа, 9 апрельдиъ, Типпигъарин хIурин «Некьвардал» агъа мукьуйиъ хьуне маджлис гIелим БегIедин (гунагьарин гIефу акьурай учин) ттур алеф. Мисаъ завал хьуна уйи гин багунттар, хIуринттар. Идже чIалалди кIвал акьуне ги гIилму бадалди акьу загьматар. Файдина хьуне адина аяттарис садакьабур. Ппара тамаша хьуне джемеIетис мисаъ гьелар-ттаккрабуриас дузди йирхIубаас акьу бехIс. Маджлис кIилиъ файшуна арайил акьуне БегIедин хуттула Закир Зулкаидович Багаудинова, Типпигъарин имамдинра Муса Мусаеван, райондин имамдин Ахмад Гарунованра кумак хъай.
Ке дузди гьелар фатуттарис, садпеттилас гIуьфудпеттилди йине грамотабурна пулар. МучIинан къулгунис маджлис ккиркIуне.
Аллагьди гIелим БегIедин гунагьарин гIефу акьурай, маджлисил акьу садакьара кьабул акьурай. Амин!

Камиль Мирзоев