Сус хьеттил гъаре гIедат

ЦIакIинар чаб шадвелар э. Ме кардихъди инсанар вахтт ккими хIезурве. ЦIакIинар аркьагуна гьер милатин учин гIедатар ая. Сад гебурикес э сус хьеттил гъаре гIедат. Ме гIедат аркьа цIакIинар акьуна хIибу ягъ алттархьехаб.

Сус хулади файдин хьибудпе ягъас гъа булахилди хьед гъас. ГIедати ягIар аркьа сусас хьед ая мукь. Гич вестти унархъа джалла багунттарисра къуншибурис. ХIезур аркьа Iаре бакарна бадрабур джаллабурилди фачиянас. Сусалди ирцIанде ифан гвар, иттар дакьас гIунин кIилис дасмалра кичикIуна. Сусахъай булахилди вереттарихъай аве хунча фаяфна садакьа ирцIанф. Рекъди вей гьучархьедегьен инсанарис ирцIанде къайфатар, пиченибур, Iесидайин кьут алийиная бахттайин кьурцар.

Булахилди рукьугуна сагелай джаллабури арцIа чиппив фая къабар. Ке кьабахъай арцIа сусан гвар кьекьегIди рукьастегьен. Хабди гвар хъадивас унархъа ке удигьай алчархье идемис. Ги хъадивагуна адатуна са чIукь хьедра, хаб ахъиланде пуна насихIетин чIалара. Ге кар бадалди гвар хъадивуттис ирцIанде гьер джуре Iеле-ухаттари ацIу хунча.

Амма гьал авалдин гIедатар нагагьра аркьай андава. Джалла аяттарикес аркьай амефра гьеме гIедат э. Идже хьасе хье авалдин гIедатар хьефас ухIас хьехаб.

Батитай Габибулаева

Добавить комментарий

Ваш адрес email не будет опубликован. Обязательные поля помечены *