Сулакский каньон

Хье Дагъусттан гьемишан ттур ая мукь э, батIарвеларин, гIедатарин, инсанарин хIуьлматлувелдин. ТIабиIэт Дагъусттандин Iеламатинф э, са мукьуйилас са мукь батIарф. Мегела хьин ликIенасе хье Дагъусттандиъ ая Iеламатин батIар, инсанар хIейран вере Сулакский каньон агъа мукьуйихъас.

Хъара ме мукь хIисаб аркьа нигIмат, легIли хье Дагъусттандин. Ая Сулакский каньон Казбековский райондиъ. Са пай инсанари агъа ме каньонди фарцанди ая Iуд пе мукь хье дуяйиъ аядегьен каньонарикес, са пай инсанари агъа гIуьфуд пеф.

Амма уьркIевел хIекьдан миъ ппара ая аметтарихъ хъуттурфуна – 1920 митIри, уьркIевел суман ирхевелра ая — 53 км. Америкайиъ ая «Гранд-Каньон» агъаф, гера ке бицIи э михъ хъуттурфуна. Мидас адавея азман хIа фаруз ранг алеф нецIв Сулак. ДехIела ме усас агъаф Сулакский каньон. Ишкилик агугуна гIешкъ верегъилди, ул хъархьагъилди ая ме усан батIарвелди.

Удигьай вахттари хIапай мич вереф хье Дагъусттан шагьурдин инсанар и, сайракди мисаъди сасра мукьариас инсанар вейиф. Амма Кавказский дегIви вахттари мич адифе писателар Л.Н.Толстой,  М.Ю.Лермонтов хъара А.И.Полежаев. Агьал исалас иса туристар ппара хьуная, сасра хIуькуматариас, шагьурариас ве мич хIапай гIулана.

Мич вере инсанарис ппара четинвел адава, фас пучина агьал Махачкала шагьурдиас ая транспорт мисаъди вереф, хIа пай Дубки агъа хIуриъди. Ме хIуриас лап батIарди уликк кичархьа кIилди мисаъ аядегьен батIар мукьар, сасра мукьариас аде инсанарис четин дахьас акьуная ачухъвелар, рехIет аркьа мукьар, эркьва мукьар.

Амма эхIттият фай кканде аде инсанариф, фас пучина ппара дагьарар ая мукь э, гьава усра э, хъара мисаъ ая четин мукьар, инсан лиханас давереттар. ЭхIттият суман инсанарин инсанвелра ай кканде ухIас мишттин хьес йиная батIар мукьар.

Наибет Гасукаева

Добавить комментарий

Ваш адрес email не будет опубликован. Обязательные поля помечены *