Сулар яшамиш верефе чиппивас фацанас вере гIурар, джакьвар, милехъвар хъара джуре нахширар ая усариъ. Сул ппара Iемал кея нахшир э. Сул уч фишттинф пучин агубас, муулар, ибрар, рудж, джан — вари ухшар чакъалис.

Ме нахширдис ацIун кумак аркьафе учил але ибрарина, чIарари. Сулар ама садилди эркьва нахширар дава, хIучар, чакъалар суман мебур аве чиппин парабурилди, аркьай са кьайдайин семьяра.

Мугун уркI сулан авефе хьибу митIри (3 метра), амма сулас учис мугуйис уркI акьас кканвейдава, ги айчуга аркьа учис муг багIша-гъваранф (барсук).

Сула учин мугуйивди джуре нахширар дагьучучIас ича усахъ ниI хъихьаф. Суларис кучвел, мекI хьугуна, ягъцIур джуре унар аркьафе агъа, амма сула ибгIавел гъадива 70 градус.

Расим Гучудадов