Судебный приставари акьуне вакцинация

Гаджиев Тимур Гаджиевич э Агъуларинра Хиварин районарин судебный пристав. Ми ахъакьуне фас учи йирхIуф ичин агьал ая коронавирус агъа итталин руб.

-Удигьай час хабар йине че хIатти хьин джаллабури руб йирхIучин идже хьасе пуна,
хьин инсанарихъай ппара гьучархьа, хьес ягIайадава, фи багьана хьуна ме иттал хьесра кедишаф. Удигьай ме кардихъас сайира ппара фикир акьундава, чахъай кар аркьа инсанари эхIттият хулаъ суман кардилра аркьай уйи, маскабур, хьухьалар, гъиларис ича дарманар чин гьемишан ишламиш аркьайи. Амма алтушу гIулана ме коронавирус агъа
итталин цIае джуьра гъайшине Дельта-штамм агъаф.Чахъай кар аркьаттар ппараттар иттархьуне. ХIа пай чахъай кар аркьаттар сасра хIураринттар э. Миштти идегуна гьертти
чиппин райондин болницайи йине анализар. Положительный тест агвар акьуттар айчIуне больничный.Зе анализари агвар акьуне отрицательный результатар. Зун фикир акьуне,
вахттуни ме руб йирхIучин, зе йиркIурас рехIет суман эхIттиятра э, зе хулаъ ая хизанарисра, хъара кардил хъай кар аркьа илдешарис.