Стихотворения

Ватан

Суван хилив хlайран хьун вахтт,

Махlтал э зун ве тарихил.

Агъул -Аллагьди инде бахтт,

Агъул -лихьаси зун хилил.

 

Гьава заварин хlяде вун,

Нур алди,кярхьай ккидиркlва.

Ве тагlрифар ппара акьун,

Ми гьакlан чlалар гьудуркlва.

 

Нахчире вун мучlе суван,-

Улер заварис ярхlайде.

Гъамаз хъухьучи вал душман,-

Гуригl капур фай гlярхьайде.

 

Дардуни ве,жилар гlашуфи,

Душманди алчаха хlа хил.

Гьава суван кlилар тlушуфи,

Далда хьас вас хараб дуйил.

 

Гъурбат ми зус кьисмат хъухьучи,

Иркlв гьелАгъул заш атасе.

Ли вун улигьас хаб гулучи,

Зе рухl капури атlасе.

                                                                                                                                                                                         

Ягlа  зун э гьел вал бахил,

Ватан -зурбаяр хlа акьу.

Агъул -ми зе ибгlя хилил,

Цабрухъяне- адин,ликьу.

 

Ттур але цlабрухъян-Агъул,

Ухlясе зун хилиъ икlун.

Мугу ли вас дахьас хlасул,

Арсуран са манат кик1ун…

 

               «Бав»

Фидахьан гъургъучира,

Ми дуья къуь ягъанф э.

Дуьйис дуьйиъ ушучира,

Зав фай хиял буванф э.

 

Ккандай вас зе гlумурдикес,

Ина,веф ярхе акьас.

Ве йиркlуран гъурдиккес,

Талихlин булах акьас.

 

Зус акъа магlни кьебаъ,

Хъихьучира,хъакь пасе,

Хил ккялцун,-даркун кьяблайхъ,

Вахъас дугlа акьасе:

 

Сагъбел ирай пуна вас,

Кьимат ин гъушасдабя.

Хьасттава гьич хум гьатас,

Ваш и насихlат къебаъ.

 

Хьуна ппара ве ешар,

Ибхь лихьунара кlилил.

Зус ваш ифтава гашар,

Хажалат але жилил!