Совет старейшинарин председательди Магомед Омарова пуне учин фикирар коронавирусдихъас

Ягlайин ягъас дуьйил гъутуная коронавирус агъа иттал. Гьер хlуькумати учин халкь ухlас ппара кумак аркьая. Ме кардихъас хье райондин совет старейшинарин председательди Магомед Рамазановича Омаров пуне учин фикирар.

«Итталар Аллагьдин амурар э. Ликlиттиккес ккейчlвас хьасттава. Амма инсандихъ фигlилра хъай кканде. Гьер инсан алгъузуна кканде уч учил. Куьчайиъди аттушуна ачадихаб lуьччуна кканде гъилар. Хъударкуна кканде сиварихъ, хъвехъверарихъ хьеттар.

Духуба акьуна кканде кунар, нагагь ппара инсанар ая усаас адинаяф ичин. Гереквел адавай алтухъ хулариас айчlуна ккандава. Ппара инсанар ая усариъди ушуна ккандава.  Яш хье инсанарис джурейи экьве агъа духттурари хулариъ, фас пучин хlа инсандис ппара четин э ме иттал гъадивас.

Ухуна кканде хьед, куче чай, lуьтlуна кканде гlане ямагар, емишар, лимон, имбирь. Ме итталис хleнагар ягаlйдава. Са чlалалди, хьин хьес духттурари петтара акьуна кканде. Аллагьди ухlурай хьин джаллабур», — пуне Магомед Рамазановича.

Добавить комментарий

Ваш адрес email не будет опубликован. Обязательные поля помечены *