Совещанил гъургъуне инсанарис арайил акьун ккандея герек курарихъас

22 ноябрди Дагъусттандин хIатти Сергей Меликова файшуне совещание. Мисал завал гьеттар гъургъуне ягIайин ягъас хье халкьдис ке герек иде суалар гъадивай.

Ке удигьай гъургъас хъучучIуне коронавирус итталин гьавайихъас. Ме кардихъас джувабар йине Министрайи здравоохраненин Татьяна Беляевайи. Мин чIалалди, ме итталин гьавайихъ хъуттурфуна, хье республикайиъ дахъуна ая 3 агъзур мукь иттаттарис, гьалдис 2,3 агзур инсан ахьасра ая сагъ аркьай. 

«Ягъайин ягъа иттаттарин санра духIуба вея, хIекьданди коронавирус хьеттар 205 инсан ая. Кьацра ме итталин гьава адавай иттал арайил хье инсанар ая», — пуне Беляевайи.    

Вакцинация акьу инсанарихъас гъургъучин, хье Дагъусттан 85 мукьуйиъ ая хье хIуькуматин рубар йирхIу регионарикес. 

Миштти идехIела Сергей Меликова тIалаб акьуне джаллайикес руб йирхIас, гин гереквелдихъасра гъургъуне. 

Хъара гъургъуне читинди ая курарихъас, ме иса 13 октябдихъас-21 ноябрдис ЦУРди арайил акьунатарихъас. Мисан хIатти ахъакьубарилди хIапай суалар и рекъерихъасна хьеттар дивубарихъас 

Дагъусттандин ЦУРдин хIатти Магомедсултан Абдуралимован ахъадивубарилди, алттушу хIефтайи кьабул акьуне 5,5 агъзур инсанарин талабламайин гIерзабур. Ке ппара ликIибар уйи Махачкала, Дербент, Каспийск шагьурариас. 

МекIер хьеф ппара хьуне инсанарин хулариъ ибгIайи адавелдихъас, ибгIа хьеттихъас. Хъара инсанарин ппара гIерзабур ая Iекварихъас, ругъу хьеттихъас, вахттуни дайирцIан пуларихъас, маршруткабурис ирцIан рекуьун кьимат гъадивубахъас. 

«Ме курар дахи арайил акьас джаллайи сад-сайив фитIуна кар акьуна кканде», — пуне Дагъсттандин хIатти.    

Батитай Габибулаева

Добавить комментарий

Ваш адрес email не будет опубликован. Обязательные поля помечены *