«Шарвилин» ХIаягъ

Июльдин ахиран ягъа Ахтынский райондиъ завалхьуна уйи хье Юждагдин районар. Мисаъ  аркьай  хьуне  лезги халкьдин зурба  валад э агъа «Шарвили» агъаттин учин ттур але хIаягъ. Гебурифас хабар гъуйигуна фас аркьафе  ме хIаягъ? Фуш  э ге пуна? Гебури фурс  кей агъа  ме лезгибур балайиккес  кеттиву лезги халкьдин  игит  валад э пуна.

Шарвилин ишкилар мисаъ ая 

Ме хIаягъ акьас  пуна  хье къуншибурихъай джуре  исари  суман  ме исара Агъуларин джемеIэтра адина уйи Ахттиди. Хьеттарин  кIилил уйи  мисаъ  хье райондин хIаттин заместителар Осман Мазанаев, Беневша Курбанова. Хьеттар чиппин мехIкамвелди багамин сеIэт гIуьфуйиъ айчIуна ушуна  уйи  хIаягъахъди  батIарди хIезур хьас.

ХIаягъ хъучучIуне  сеIет  йицIуйиъ тегунас  хье  райондин майдандил вев, гьарай, макьам  лехъун уйи. Усттулара уйи Iелеф алацIуна алархъай. Ппара батIар мегIнибур акьуне хье Розайи, Амината, ШагIбана, сасрабурира лехъунар кам акьундава хье  майдандилас, гьагъвереф, гьавереф хъучикайра.

Ме кар хье кIилил файшуф Абдуризакь Абаевича э, хье Дом Культурайин хIатти.

Мишттин мажлисар хьугуна хьин ке бицIи районаригI  гIайчира  амма  арайил акьуна аве хьин  шагьурариласра иджи.

Кебалайикк  ккиве  хье райондин  хIаф. Гин зурбавелди э хьин миштти  авереф. Мегелайра Макьамариас, усттулил  алихьубаас  ке иджи  уйи хьин. Сур майданарин макьам  агъдархьай, сурин усттулар  гIеджизди, гIешкъ адаттар  суман. Хьевусади  адигуна саннапуна гьава  гъайшайи инсанарин.

ГIалашувар кьабул  акьас  садпе майдан  хьуне хьеф,  сае исари  ке ахиранф вейчи. СеIэт йицIудар хьухаб бадил хьуне  гIалашувара. Кеудигь адине хье майдандилди садпе зам.пред Правительства А.Карибов, хье Дагъусттандин хIаттин полномочный представитель Южный территориальный округдиъ Энрик Муслимов, Юждагдин районарин хIаттара, хъара сасрабура. Хубджи гагьди экьуна IуьтIуна, ухуна ушуне мебур сасра  майданарил аларуцас.

Мебур кидавай  мисаъ хьуне  спортивный  мероприяттибур. Гъван  ахъартаттар хьуне, гиря  гъадиваттар хьуне, гъилар укьаттар хьуне. Тамашабур кканеттари  гьер  районарин майданарил  аларуцай ишкилар атай,агърукьа  суманттар агъавей хьуне «Шарвилин» ишандилди,  зулерариас хубджи  агъушуна канве.

Кучира  уйи ме ягъа, амма  тамашабур агвас кканди ме хIаягъ бадалди ппара  халкь  завал  хьуна уйи мисаъ.

 

                                                   

К. Мирзоев

Добавить комментарий

Ваш e-mail не будет опубликован. Обязательные поля помечены *