Сасрайиъ ул аяф

Джуреттиъ ул ахьеб ппара Iа кар э. Ге карди инсан гIанаас утIас аркьа. Хьуна са шагьурдиъ са джигьил инсан. Касибра даваф, Iэкьул кеяф йиркIуранра мерттеф.

Идже гIилмира гъушуна хьуна микес мегIелим. Хизан аркьа вахтт хьегуна кIилди курар хабкIила ушуная мин. Сус гIаттива вахтт хьегуна, ме гъавурдиъ архьуная учин дусттарихъ батIар хумбар хъаяф, кIилди курарис бегьемттар.

Са вахттунилас акьуна ми учисра хьир. Хуппай гугуъ ирхIуна мин джаллабирин хIа гафарар аркьа мин даркьай. Мишттин вахттуни ми учи уч Iелди хьуна. Учин хIа гаф акьугуна йиркIв завари агъавей хьуна.

Хумбарихъас пичин хьира  агьихьай хьуная ми сасрабирил алдея лекар захъ хъадава агъай, сасрабирихъ хъая шейэр хьехъ хъадава агъай.

Мебирин ягIаттари батIар хал гъушугуна мебирис нандира мукь вей хьуна адава. Улар кьатIвей хьуна, гишттин хал гъушанас пул хъадавай. Са чIалалди сасрабирин курариъ, шейэриъ, хулариъ ул ай архьуна мебур ярсариъ.

Са Iуьшуй кетIуна ме идеми хуппай фикир ирхIуна миъ, гьамиша миштти хьасттава пуна. «Аллагь ТегIела, — пуная ми, — зас Iекьул тин».

Хуппай агуна мис эмкI. Удигь гьахьуна мин са хIа идеми, хабар гъушуная ги: «Вун ппара фикирар аркьаяв?».

«Э, зун гьамиша иджи кар аркьа, амма фера зе арайил хьуна адава», — джуваб йиная ми.

«Вун бизар аркьаяф сасрабириъ ая улари. Ве хиял хьуне вун алтухъ э пуна сасрабирилас. Ве улари вун IуьтIуне. Вун кетIугуна сасрайинтиъ ул аяф фикир хьегуна, вун вафас хабар гъушан фикьас аркьа кар зун ме пуна фиттис зе гьамиша ул аяф джуреттиъ Iайи цIуппи уп. Ве улар уч училас гуланасе».

Добавить комментарий

Ваш e-mail не будет опубликован. Обязательные поля помечены *