Сагъвелдин кьимат

ХIаттарин мисала афе: «Девлетлу инсан пул хъаеф дава, джандин сагъвел хъаеф э». Фас пичин, гьер са азар сагъ акьас вейдава пулулди. Сагъвелдин кьимат ппара хIа э.

Вахттуни джандин гьавайин гъавурдиъ архье ара духттурари хIисаб аркьа суре кардин кьайда. Иттархье вахттуни инсанар эркьва хулариъ, больницабуриди вейдава. Сайи зас мекI хьеф э агъа, сасрайи гьакIан грипп э агъай эркьва. Хъара хIа Iайвел э иттай ая инсанаригIди айчIуб, курарилди ушуб. Ме арайи са иттаттикес кедишина иттарве йицIуд хъара. Кедишиттар хулади ушугуна, иттарве хулан хизанара. Хабди джалла хъай архьа ахуниъ. 

Духттурарин ппара тIалаб э инсанарикес, сифтта итталин гьава тIуршай ами , сагъвелдихъ хъучаях пуна. Агьал дуьйил бадил хьуна ая коронавирус агъа иблис иттал. Са ппараттарис руб – дармандикес кумак ве, са ппараттарис джирехIвелдикес, амма кIеттаринра хIисаб ппара хьуная. 

Ме кардис кумакис хье хIуькуматин хIа духттурари гIелимари адихьуная Iу-хьибу джурейин вакцина. Ппара тIалаб аркьа инсанарикес духттурари акье пуна вакцинация. Фас пичин, джаллабури ме руб дайирхIу гагьди, хьевас иттал адихьас хьасттава. 

Луиза Гусукаева

Добавить комментарий

Ваш адрес email не будет опубликован. Обязательные поля помечены *