Садпе турнирдиъ димари ккедикуне

15 пе июль. Каспийск. Стадион «Анжи Арена». 9400 инсан. ДухIубабур хьуне анжигI гIаяттарин. Са пай ушуне Анжиас, гебурин еринди адине сае футболистар. Чукьсара дузди дурхIуна уйихаб хье футболистар, тренердира чIукь иджи кар акьуна уйчи, мидегьен чIирIеф хьаставуйи ахир.

Игра хъучучIугуна ппара вахттра ккеттдушуна тебурин игроки Витиньо агъатти дахьи удихьас воротобурин гугулди гIачихьуне хьес гол.

Айчира йиркIв аргIундава хьеттарин гишттин ара хьучира. Идже ара хьуна уйи хьеттарис гIачихьас, амма Маркелова дузди тебурин враттардис йирхIуне тупп. Са вахттра алтушундава ЦСКАйин воротабуригI хабра гIадихьуне училди аде Маркелова йирхIу тупп. Мебур акьуна Анжи гъирхIундава. Хье командайин капитан Яковлев тупп фай ве ая усаъ правилабурилди давай гъурзар акьуне Березуцкийди. Мисаъра судьяйин  уьштт буIуне.

Iудпе тайм хъучучIуне Анжи са инсан духуба акьуна. Гулиеван еринди айчIуне цIе игрок -Данченко. Тебури ге кардис джуваб йине са гол сара гIачихьуна. Головина 20 митIригьас  гIачихьуне хьес гол воротабурин ади мурттухъди йирхIуна. Хабди са замена сара хьуне хье. Липарти ушуна Мамтов айчIуне. Хъара чIукь сара вахттунилас Маркелова гIачихьуне тебурис гол.

Iайи хъаттадархьунаф аргвай хьеттари хъара дире дурхIуне. Ге кардихъас Iу ара хъара хьуне хьеттари гебурис гол гIачихьас. Амма гIачихьас хьундава. Тебури хьибудпефра гъачихьуне 11 митIриас -Натхойи. Ахирахъ учин кар акьуне мисалайи «ГIачихьайдава вун- гIачихьа вас» Ахир хьуне 1:3, бахъу хьуне хьес.

                                                                                                                                  

К. Мирзоев

 

2 мысли о “Садпе турнирдиъ димари ккедикуне”

Добавить комментарий

Ваш e-mail не будет опубликован. Обязательные поля помечены *