Ягъалас ягъа идже хабарар ппара вей ая хье Агъуларин игитарихъас-тисаъ дзюдойиас хье шиникквар иджи укъуне агъай, мисаъ гъилар, лекар ата спортин джурайас агъул шуй гъалибвел хьуне агъай.

Кьанди Москва шагьурдиас хье агъул шува Бахтияр Магомедова «Фалконджиуджису» агъа клубиас идже хабарар фай адине. Москвайиъ вей ая турнирдиъ джиуджисуйиас Чемпионат Мира АСВ JJ агъа версиас ги садпе мукъ гъуйуне абсолютный весовой категориас хъара хьибудпе мукь гъуйуне 95+весовой категориас.

Ппара зурба кар э акьуна аф Бахтияра са турнирдиъ Iу килаварин категориас укъуна Iудариасра идже мукьар гъуйуна. Ге карди ппара агъай ая гин зурбавелдихъас.

Пас кканде Iу чIал ге вардиш аркьа тренердихъасра. Гьер кардин эеси аверефе. Бахтиярасра ппара кумак акьуна ая учин тренерди Мурад Нурудинова. Чухъ-сагъул чиппис  Iударисра хье ватан Дагъусттан кегъдивуна Агъул джемеIет шад акьуттарис.

Хье кегъархьа джигьиларисра Iегв э ми агвар акьуна аяф, гIачихьай — гIадихьай, дивай, ухай сае чIирхIе курар аркьай адеркьагъилди.

Редакцин ттуранихъасра пас ккандия гъалибвелдихъ гъалибвел гъуянф хьурай пуна уч!                      

 

                     К. Мирзоев