Социальный работникарин ягъ хье хIукуматти аркьая муядпе июльди.
Хье президенти В.В.Путина гIаттивунаф ге ягъ гьакIанди дава. 8 июльди 1701 иса Петр I указ акьуне иттатарин, гIяжизарин, Iуьсеттарин хал аркьагъилди. Петр I пуне: «йицIу итта инсандихъ хъутурфун кканде сад сагъди аф. Ге документилас хъучучIуная  система социальный защитайин инсанари. Гилас хабди хьуне приютар, попечительский комитетар,  Iуьсеттарин хулар.

ЯгIа гьеге системайин хIавел аркьаяф Министерство Социальной защиты РФ. Ге министерствойи хIавел аркьая ацIун идарабрин. Гисаъ кар аркьая хIукуматти кIилди 630 агъзур инсанарин. Гиса кар акьас кандетари хуруна канхьасе социальный университетиъ. Российиъ гебур аф кIилди 120. Университетари дархъая цIе профессибур «социальный педагог», «социальный психолог», «соцработник».

Ге  идарабур хьунаф нехIекьди дава. КIилин дюньяйи вардиш хьуная гIяжизарис кумак аркьай — амма ге авереф Iари пулар пара хъая хIукуматтариъ. Ге кумак Iайи канхьуф Iудпе дюньяин дягIви киркIугуна. Социальный работникарифас вейуй джалла инсанарин гIядатар арайил акьас, батIарди кумакар аркьай гьер ягъа гIяджизарис. Ке Iайи иджи кар аркьаттарис ирцIанде звание «заслуженный работник соцзащиты населения РФ» день соцработника хIа ягъ инсанарин, сасрабрин читинвелар чиппилди гъушаттар. Читинвелар бицIиттара  аве хIаттара. Гебрил алчархьай Iэлеттар гъас, рубар йирхIас, хал мерт акьас, дарманар гъас. Амма сасагелай Iари йуркIалихьас инсандил, гин дардар гъамарил. Ге инсан сатти ахаб соцработник гин багунф суман ве. Гьагишти хьас гебур йуркI фай кар акьуна канве. Агъулаъ ГБУ РД КЦСОНай ацIун исаре. Гисаъ кар аркьая 47 соцработникди — хулаъ кумак аркьаттар. Гебри кумак аркьая кIилди 282 инсандис. Кьанди дахъуне гисаъ отделени ягъуйи вереф: гисаъ инсанарин элкетве, Iэлефра ицIанде. Инсанарис батIарди кар акьас канве сабур, батIар йуркIфай. Кумак акьас алучIуб ппара саваб э. Гьер ягъа методар соц работникарин   джуре ве. ЯгIа хье хIукуматин жалла районариъ ая соцзащитайин идарабур.