Ме коронавирусдин иттал гъамаз хьуна хьибудпе ис ичира, михъай фиштти женг дивайчин духттурарис мехIелдис иджи ягIай адава.

Руб йирхIуб дала иджеф фера адава агъа мебури. Удигьай бицIиди рубугьас ул гьайчира, гьал итталигьас ппара ул гьархьуная. Фас пучин, ме итталин Iуьр дагу хизан нагагьра андава. 

ДехIела вакцинация акьуттарин джалгабур ягъ – ягъалас ппара ве. 

МебуригI гIачархьуная Перизат Мустафаевнара. 

Фи багьанайилди, фи фикир фай йирхIуне чун руб пуна суал йигуна, Перизата джуваб акьуне: 

«Гьер ягъа ме терс итталихъас унихьадегьен зе йиркIураъ гучI авей, зас кедишичин зе бицIи шиникквара иттар хьасе пуна. Амма фикир аркьайра ппара гагь хьуне зе. Ичира шиниккварихъас аркьа фикирдин гудж вартт хьуна акьуне прививка. Прививкайи зе джандис са хатIа- тахсира йиндава, гена йиркIуран сакинвел хьуне. 

Чунра, чве багу кIилара ухIас, эхIттият акье! Зе насихIет э, прививкабур акье!» 

Салихат Малагусейнова