16 пе апрельди райондин хIаф Юрий Исмаилов гьучархьуне буршагъарихъай. ХIаттихъай Буршагъди адина уйи гин заместителяр Фейзула Амаев хъара Назим Амаев.
Исмаилова баркалла пуне буршагъарин инсанарисра, хIурин хIаттисра Абдуллатиф Имамаевас батIарди кар акьубан.
«Зун ппара рази э Абдуллатиф Мазиевичан кардил. Буршагъаъ мал адикубан нубатра ая, рекъера шергве вея. ЯгIа хIуриъ гьедра ая, ама дуз акьуна кканди ая рекъер аме. Хьин кумак акьасе гебур батIар акьас».
Райондин хIатти ахъакьуне аме читинвеларихъас:
- Инсанар айчIуная ШарIира Цирхье ккегъдивуна кканди ая.
- Гьикас ге хIурариди хизанар, фачиянас гебирив джилар.
- Дуз акьас рекъер.
Джуре суаларихъасра гъургъуне гьучархьеттар: буршагъарин клуб дуз акьуб, рекъерикк кичархьая хуппурарис фи аркьайчин, Дулдугъаас Буршагъди вея рекъер шергве акьас, детский сад дахъуб хIуриъ.
Джалла суалар ахтармиш акьуне. Гьучархьугуна инсанаривас ахъакьас хьуне чиппин читинвеларихъас, хIатти акьасе пуне учивас вере кумак.
