Ме иса июлдин  гIифудпе числойис  аттархьая  рамазандин хIа ягъ. Хье мусульманарин календардиъ  рамазандин ваз  ерчIудпеф э. хьеал але гIуьфу  фарздигI гIая  ме вазала  сив  ухIуб. Сив  ухIа  багамин  къулгунихъас (фажр) мучIинин къулгунисттегьен (лагъриб). Сив ухIас хъучучIу инсанди  фи акьуна  кканчи, сив  чIир дахьас.

1. IуьтIунара, ухунара ккан вей дава багамин къулгунин азан ахъугунан хаб мучIинан къулгунин азан ахъасттегьен.
2. Хумбеттихъай багу хьуна ккан вейдава багамин хаб  мучIинасттегьен.
3. Нагагь кIвалас ушуна хьед  ухучин  е фичира  IуьтIучин  сив  чIир вейдава.
4. Сив ухIуна ккан ве  бегьем  хьуна инсанари, иттаттар, бицIиттар  гIачархьайдава гич.
5. Иттаттар, фуниъаттар, шиникквдис некк  ицIанди  аметтар, гебирифас ве  сив  духIуна экьвас, амма гебури ухIуна ккан  ве сив  ге  багьана  алттархьугуна.
6. Iайи иттаттари, агъдарукьа  Iуьсеттари  сивар  ухIас  даветтари сив  ухIубан  еринди  касибарис йина  кканве  Iелеф.
7. Ахтигьар ая сив духIас  рекъуьъ  аяттис,  фулан кьадар  варха  хьуна  аяхаб  учин  хулагьас.

 

Инсанди  сив  гIатугун фи акьуна  кканчи

1. Нагагь дакканди гIайшухаб   сив (иттар хьуна)  мусульманинди  са ягъ гIайшуна  сивин,  ухIуна  ккан  ве  сив  журе вазала  е йина  ккан ве  касибдис  кьимат  са  са кьваран,е  ге кьиматин  гъуюна журе задар.
2. Нагагь гIатунахаб сив багьана  ай, гифас  ве ухIас  сив  журе вазала, сае рамазандин  ваз хьастти.
3. Нагагь кьасусттира гIатухаб  сив  гивас  кIилин  Iуьмурдира  ухIучира  сивар  хьасттава  ге сивин  вередегьен саваб  гъуянас.
4. Нагагь хумбеттихъай багу хьучин  сив ухIа  вахттуни  ге  сивин еринди ухIуна кканве  Iу  вазала  са ягъра  гIадартай сивар е хьибу  къа касибас  гуни йина  кканве.
5. Нагагь шариIатилди багьана аяхаб вас  сив  духIас, акьуна  кканве тавбу.
6. Ахтигьар, багьана адавай гьина  гIатучира сив  ге инсан  ачархьа  хIа  гунагьиъ.

Гьер иса  сиварин  ваз хъучучIа  юцIу ягъанди дегьен  дахи  ушу  исахъ  хъуттурфун. Сур  инсанари  сивар  фарцанде  календарярихъ хъуттурфуна,  сури  вазалахъ хъуттурфуна.

Гьергелай  сив  гьатудегьен  Шафин  мазгьабилди акьуна  кканве   ният  журе  ягъа  сив  ухIасе  пуна.

Ме вазала  хъикIа  агъа  жалла  жегьеллемдин раккар, дархъа  агъа  жалла  жаннатин раккар.  Акьу  иже  курар  юцIутти  ппара  хьасе, хъара  ппара  хьасе  ери  вяршди дегьен. Шаб  хьин ме рамазандин вазала  дехIера  иже  курар  акьас алучIас.