Ппара гIалашувар вере рекъ дуз аркьая Дагъусттандиъ

Дагъусттандиъ национальный проектилди «Безопасные и качественные дороги» батIар аркьая рекъ Дербент – Хучни – Хив 0-16км манзилиъ ай. Ме кардихъас хабар аькуне РДйин Минтрансдин пресс–службайи.
Ме рекъ Табасаран райондин Хучнинра хъара сасра хIураринра арайиас веяф э, сасра районариъдира айчIвас верегъилди.
Ме рекъуьн гьава кьацIра иджи адавуйи. Варттал алдея асфальт гъагьахъуна уйи, архьуна уркIара, рекъуьн багвар ахтт афушуна, ме курар ппара мушат и вере машинарис. Мишттин рекъериъ ве ппара машинарин ачирхIубар, гъадаркубар, хъара сасра инсанарис зарар ирцIан курар.
ЯгIайин ягъас рекъерил кар аркьа инсанари дуз акьуная рекъерин багвар, дуз акьуная уркIар, рекъуьн манзилра IирIе акьуная машинар вере усар, вартталас алгьатуная шергве аркьа асфальт. КIилди рекъуьн курара ккиркIвасттегьен сеIетти акьуная рекъуьъ хъуьхъе рангунин хатIар.
Вартталас алгьарта IачIар цIуьппе аркьа курар мисаъ инсанари башламиш акьасе июньдин вазалан ахираъ.
КIвал акьасе, ме иса ме курар аркьа идарайи дуз акьасе 16 км манзилин рекъ Дербент – Хучни – Хив. КIеджарик пуная вахттунис, ме исан августиъ ккиркIвасе ме рекъуьн курара.
Рекъ Дербент – Хучни – Хив ягIайин ягъас ппара инсан лихан рекъ э. Агьал Дагъусттандиъди гIулин вахттуни ппара ве туристара. КIилди лиханф ме рекъуьас э.
Табасаран райондиъ, Iу километр дала адавай Хучниас, ая хьед алайча мукь, хъара ая мисаъ къала «Ери ччуччунфра са ччиччинф». Мебур агвас, экьуна чиппис рехIет акьас мич ве ппара инсанар.

Луиза Гусукаева

Добавить комментарий

Ваш адрес email не будет опубликован. Обязательные поля помечены *