АцIуна инсанари халкьдис агвар аркьа тамашибур аяфе. Ппара хIа тамашибур аркьа пагьливанари. Гьер иса верефи пагьливанар хIурариъди чиппик кея хьунарар агвар акьас. ХIа ягъ суман верефи хIурин джемеIетис, гебур ади ягъ.

Пагьливанар адиф, сагелай хIезур аркьайи чиппин тадарукар атайи чиппин турбабур, дивайи тIилара. Хабди хIурин хIа идеми хъаттгъарефи гебур хулаъди,ирцIанфи гебурис Iелефра,шавла ккетас аркьафи. Алихьуна кунара айчIвайи пагьливанар гимилди. Кьавалари аттивуна чиппин далдамра суьретI хъихьайи макьам.

Удигьай синилди алгъавей Iапкьун. Учифас аттрукьа хIенагара акьуна Iапкьун алавейи, хуппай синилдиа лгъавейи пагьливан. Пагьливанди агвар аркьайи учик кея гьунарар.

Iапкьунди пагьливандис кумакра аркьайи, инсанара элдемиш аркьайи. Ппара тамашибур Iапкьунди аркьафи шиниккварикес, хумбарикес, гIачархъай гIурар, аркьай гебурин удигь лехъунар, зарафатар.

Джалла завал хьуттарин удигь пагьливанди унар аркьай агъайи гьер учис акьу тIалаб,
гебури ирцIанди чиппин гъилихъ хъая пулар, батIар ягълукъар, кьумашар, хъара ппара гьунарар аркьайи армиъ ая солдатарихъас, студентарихъас, хъара сасра валадарихъасра.

Пагьливанар адигуна идже исар верефе агъайи. БатIар угъалар, рагъар хьуна мехIсул ппара ве агъайи. Ахиран исари ме коронавирусди ппара мушат акьуне пагьливанарис.

Расим Гучудадов