Олимпийский чемпион кьабул акьуне

Риойиъ хьу Олимпидайин чемпион Абдулрашид Садулаев иджи кьабул акьуне Дагъусттандиъ.

Ун дем хъай кьабул акьуне Дагъусттандиъ ХХХI пе Олимпиадайиъ играбуриъ Рио- де- жанейро агъа шагьурдиъ гъалибвел гъуйу Абдурашид Садулаев. Самолетиас айчIвай амии гилди гьучушуна уйи Рамазан Абдулатипов. Ги чухъ сагъул пуне Садулаевас къизил медал гъуйубан. Абдулрашид хьуне чемпион мира олимпийский чемпионра, амма ке лазимф э ги батIар багулихъас дала агвар акьундава учин хизан, хутум, хIур, район, республика хъара хье хIуькумат- Россия. Ге нечениф э, амма ппара зурба инсан э. Учин 20 иса гикас хьуна олимпиадайин чемпион гъадивуне Дагъусттан, хье хIуькумат хъара гьавайиди- пуне агъая Рамазан Абдулатипова республикайин Главайинра Правительствойинра администрацин пресс- службайин. Журналистарихъай гъургъай Садулаева чухъ сагъул пуне республикайин хIаттарис учин гъалибвелдис кумак акьубан: » Зас нуш хьуне зул кьабул акьас гьучадибан Дагъустандин хIаф Рамазан Гаджимурадович, чухъ сагъул учис хье республикайиъ спортис ибур йибан»,- пуне ги. Респупликайин Главайин Рамазан Абдулатипова Олимпиадайин играбурин чемпиондихъайра гин тренердихъай акьуне круг почета. Хабди ме маджлис дахъуне лехъунар аркьа ансамбильди Дагъусттандин «Лезгинкайи».

Маджлис дархъай региондин хIатти Сагелай сара гъил фацуне спортмендин  джалла Дагъусттандин халкьдин ттуранихъас. «Абдулрашидован гъалибвел дава, ге гъалибвел э джалла Дагъусттанарин халкьдин, джалла хIуькуматтин.  Фидегьен читинвелар уйчира хье хIуькуматтин спортсменарис олимпиадайин едаларихъдихьеттар иджи выступать акьуне олимпиадайиъ агвар акьуне Россия- хIа зурба хIуькумат э пуна. Iайи ну шве хье хIуькумат э пуна. Iайи ну шве хье хуькуматин ттур гъадива спортсменаригI дагъусттан шувара гIай. Хье дагъусттан шуван Абдулрашид Садулаеван зурбавелар агуна пуне хьуне хIуькуматин хIатти Владимир Путина ордер Дружбы ицIанди уйигуна.  Абдулрашид укъуне адегьен гуджар хардж аркьай, учин зурбавел агвар аркьай, гъалибвелдихъди дивай.  Чухъ сагъул пуне Рамазан Абдулатипова спортсменан дадас, гидегьен зурба шиниккв хIа акьубан.

Рамазан Абдулатипова муш кея пуне Абдурашид Садулаеван гъалибвел агъзур шиниккварис Iегв хьасе пуна, шиникквари физкультура аркьагъилди, хье миллатин сагъвел цIуппе верегъилди.

Республикайин Главайин йине чемпионас орден «За заслуги перед Республикой Дагестан», учикес йине Садуллаевас ахалтенинский хIейван,.  Ге кидавай тренирдис йине звании «Заслуженный тренер Республики Дагестан». Олимпиадайин чемпионисра гин тренердис йине пулара 6 миллион манат. Абдулрашид  Садулаева чухъсагъул пуне мидегьен иджи кьабул акьубан уч. «Чухъсагъул джаллабурис захъас гъам кей уйиттарис. Ме гъалибвел зун джалла Дагъусттандин халкьдис гъалибвел аркьй ая». Чемпионди чухъ сагъул пуне учин дадар- бабарис, республикайин хIаттарис, Рамазан Абдулатиповас, республиккайиъ спорт гъадивубан, спортин министерствойис спортивный борьбайин федерацис, Гамидован ттур але мактабин тренерарисра.