МуфеIэт кея мугI

Дадарин хаб агъафе мазгитар, булахар, мугIар акьуб ке савабин кар э пуна. Амма джаллайик кивейдава курар акьас гиштин пешабур.

Идже пешабур кея уста э Мусаев Назир, БазукIин кIиркI.  Ацlун цалар, хулар акьуна алайшунафе гин гъиларилас. Гьал ми акьас хъучучIуная Тпигъарин хIурин хIаттин кумакра фай зуьлер рухагьая нецIулас алдигьа мугI.

Ге мугIуйикес ппара муфеIэт кея инсанарис: гюнайикди малар, хIуппар алдикас, хуппурарилди аларуцас вес инсанарис, гIарариди вес.

Хъара авал заманайи машинар нагагьра адавагуна, Гехъуьнаас ададеттар алттина ге мугIуйилас верефи Тпигъарин хIуриди чиппин курарихъди.

Удигьай ме мугI кIураникес аркьайи, амма ппара угъалар угъуна нецIв адегуна алгъихьуна гъайи хьеттин гуджлувелди. ДехIела, мегелай икьрар акьуная мугI акьас рукьанф, аваланттилас IирIэфра, цIуьппефра.

Ппара загьмат дивая  мугIуйихъас ме устайи  халкь бадалди. Хъара гисахъас джафа акьуная Ахмедов Мурада, учин подъемный кранилди гъадивун алдихьуная ги мугI, ге кидавай учин гъилихъа стройматериаларилдира кумак акьуная.

Чухъсагъул джалабирис ме кардихъас джафа аркьаттарис. Халкьдис иджвел аркьай, инсандис кумак аркьаттис ме дуьяйиъра ахираттиъра йирай.

 

Б. Габибулаева

Добавить комментарий

Ваш e-mail не будет опубликован. Обязательные поля помечены *