Мисала зурба маджалисихъас

Маджлисилди шаб пеб — са xla хIуьямат э. Амма ппараттари, фичира сасра курар уйи пуна, багьанабур джиркIенде маджлисилди даес.

Сагелай Iиса маджлисилди адегуна, са гIалашува пуная: «Бахттлу э Аллагьдин Паччагьвелдиъ гупи Iеле инсан». Инсайи гис джуваб йина ахъакьуная мисала, Аллагьдин Паччагьвелдиъ шаб пебра са зурба маджлисилди шаб пебра сад хIисаб э пуна.

Са инсанди шаб пуна ахьуная учихъди ацIуна гIуларис. Вахтт хъучадегуна, эесси гьикуная учин лукI унахъунаттарилди пас: «Шаб, че джалла хIезурдея».

Джаллабури, чIал сад акьунаттари суман, гъил гъушен агъай хьуная.

Садпетти пуная гис: «Зун ху гъушуная, зун хъуттурфанас ущуна ккандея тихъ. Гъил гъушен сара заалас».

Iудпетти пуная: «Зун йицIу вец гъущуная, гебурихъ хъутурфуна кканде иджеттар ичугвас. Гъил гьушен сара заалас».

Хьибудпетти пуная: «Зун хьир акьуная, зафас адес вей адава». ЛукIу кIилди пуная эессис.

Тегуна хулан эесси хъел адина пуная лукIус: «ТегIди ях шагьурдин кучабуригIди, тураригIди, завал акьуна гIеджизар, хъурмутIар, сукъурар, Iаттеттар,хъай шаб мич».

ЛукIу пуная эессис: «ХIаф, вун зас буюрмиш акьу кар, зун акьуне амма хъара Iаре мукьар аме».

Эесси пуная учин лукIус: «Ушуна шагьурдин къирагъарихъ хъая куьчабуриди, джалла вас гьучархьеттар, мич верегъилди акье, зе хал гIулари ацIас. Зун чвас агъая, те зун шаб пуна уйиттарикес, садра ахьасстава зе суфрайихъ!»

 

 

А.Манафов.

Добавить комментарий

Ваш e-mail не будет опубликован. Обязательные поля помечены *