Мирг

Мирг хьес джаллабурис улик кичадархьучинра, амма ишкиларик, китабарик, журналарик аргва, телевизордиас агвар аркьа мультикариъ, хIикатариъ, хулан гIанаъ цIиликас кейхуная пардайикра кей ишкил, хъара кунарик, хIапай Iурдинттарик.

Хьес джаллабурис кьабулра ве хъара батIарди аргва, сайиштти мирг кея кан, батIарф суман ибгIафра ве. ХIекьданди мирг уч ппара батIарфе, йиркIурас ибгIа нахшир э. Мирг хIисаб аркьа Iурдин нахшир. Фас пучина, мекI ая мукьариъ ппара дуламиш вереф идехIела, гебурифас гъадивас ве 50-60 градусдин аяз.

Гишттин мекIер мебурифас гъадивас вереф джандил мав, хъара кьвачIайил батIар ибгIа чIичI алди аяхIела э. МекIер ая мукьариъ суман ибгIа мукьариъ дуламиш верефе ме нахшир. Ая ппара джурайинтар, джанарин бицIиттар, хIаттар. БицIиттарин аттархьа 80 килавар, хIаттарин — 700-800. Кьудакьин ранг мебурин иса Iугелай духIуба ве: хьидана хъара Iурдана.

Кьудакь суман уларин рангра духIуба ве мебурин: Iурдана чулле ранг ата, гIулана — буреф. Хъара джуревел ме нахширдин сае нахширарилас  — кIарчар. КIуранин кутIулар суман азман ве мебурин кIарчарин ирхевел — 108-120 см. Мебурин чиппин са фурс суман, хъара чиппин къайгъу акьас сасра нахшираригьас.

Ке удигьай мирг хулахъди вардиш акьуф лап авалдин вахттари э мекIер ппара ая мукIарин инсанари. Ке удигьай ме нахширдин ишламиш аркьайи якк, хъара кьудакь. Якк ме нахширдин инсандис дуьрхьеф суман, хъара дарман кеяфра э, джандис кьуват ирцIанфра.

Ппара гIедатар ая са пай миллатин инсанарин, хIапай Iуьрусарин ис цIайи верегуна ме нахширди гьер хулас, хула ая инсанарис, бахттар, шадвелар ирцIанди хIисаб аркьа. КIарчар кейхьа хулан ачавере раккак фурсунис. Хьес мусульман халкьдис кея ме нахширдин якк ишламиш акьас, хайирдис, муфеIэтис, дармандис.

Наибет Гасукаева

Добавить комментарий

Ваш адрес email не будет опубликован. Обязательные поля помечены *