Ме иса Дагъусттандиъ 8 вазалан арайиъ 44% вартт завал акьуная налогар АЗСарилас

Дагъусттандин хIатти Владимир Васильева файшуне совещание. Мисал гъургъуне заправкабурилас завал аркьа налогарихъас. Ме кардис кумак акьас рази хьуне АЗСарин хIаттара.

Владимир Васильева пуне, республикайин хайирдис джалла хъай, дузвел ай, кар акьуна кканде. Учин багухъас хIатти чухъсагъул пуне предпринимателярис, мебури вахттуни хьикахIела республикайин бюджетиъди налогар, мебури дахъунахIела инсанарис цIае курар. Джаллабурира вахттуни гьикахаб налогар, хьесра, хье дагусттандин джемеIтисра идже хьасе пуне хIатти. Налогар ппара завалхьудегьен, пул адавай акьас давей гъузуна курар бегьем акьас ве. Рекьерис фатас ве, хьеттарис, хъара сасра акьуна ккане курарисра.

В.Васильева пуне: «Дагъусттандиъ кIилди кар аркьая заправкабур 723 ая, мебур джалла гъузуная налоговый учетиъ. Мебури 8 вазалан арайиъ йиная 177,3 млн.руб. налогарна страховой взносар. Цацалас ттиас 44% вартт хьуная. Гебур кидай хьибутти ппара хьуная трудовой договордилди кар аркьая инсанар заправкабуриъ 562-1672. Джалла кар аркьа заправкабурил алийиная кассовый аппаратар, терминалар. Мебур атунаф инсанарис рехIетвелдис. Фас пучин инсанари агьал пул дала картабур ппара гlая гъилигI ишламиш аркьай.

ХIуькуматира учин багухъас кумак акьуна кканде ме дуздин законин рекъуьъ кар аркьа бизнесменарис, мебурик сасрабури кидирхIас, рашва фаттадивас».

Ме совещанил гъургъуне хъара автозаправочный станцибурин хIаф Магомед Абакаров. Учин багухъас мира пуне ахиран исари хIекьданди бизнес иджевелин багухъди тIушуная. Гьемиштти илгучин гьалдин хабра иджи э.

Ме гъургъастти В.Васильева пуне, фидегьен иджеве бизнесменари чиппи димари кьимат кьайдайис гъарегуна. Гьегис агъафе джемеIетин закон, зун шад э гьеле кар хье Дагъусттандиъ башламиш хьунаф.

Заправкабурин багухъас, — Осман Курбанова пуне – ме бизнесттиъ бехIс хьуна кканде джаллабурин арайиъ дузвел хъай, хIуькуматин ахттигьар фадавай кар аркьа заправкабуриъ ул ачатуна кканде.

Правительствойин вице-примьерди Гаджимагомед Гусейнова пуне: «Дагъусттандиъ кар аркьая бизнесменарин арайиъ дуздин бехIс верегъилди. Законра джемеIетин фикира – гьеме Iу шейунис хьин ппара ул ачатуна кканде. Хьин джаллабурихъай сад хьуна закон кIилиъ гъарегъилди. Дуздаваттар гъавурдиъ ихьуна кканде».

Добавить комментарий

Ваш e-mail не будет опубликован. Обязательные поля помечены *