Ме проектин инвестор Игорь Исаев э. Мин фикирарилди, ме проектис ачатас кканди ая 5 млрд. манат. Ме кар кIилиъ рукьучин, мисаъ хьасе 300 инсандис курарин мукьар. КIилин иса ме джилигьасра, дараматигьасра аттархьая налог 5 млн. манат. Торгово-логистический центрдин «Атриум» класса «А» курар ахтармиш акьуне Дагъусттандин Правительствойин садпе вице-премьерди Батыр Эмеева.
Садпеф, агьалдис акьуная гьер джурайин джигагьар 6500 кв.м. манзил аяттар, хъара сасра джигьагьара акьуная административно-техническибур 1100 кв.м. манзилинттар. Ппара гагьди ухIас давере, дахи чIир вере шейъэр атас акьуная хIа ругъу джигагьар.
Инвесторди учикес акьуная ахвар кIилди ме проект идедегьен манзили.
Iудпеф, акьуная масса ицIан шейъэр ухIа джигагьар 12,5 агъзур кв.м. манзилил, мебур гьуруцая аришваришарин Северный Кавказдинра Азербайджандин джигагьаригь.
Хьибудпеф, фикирдиъ ая акьас са мартабин аришваришин джигагь 11 агъзур кв.м. джилил. ЯгIайин ягъас акьуная фундамент, хабди акьасе рукьан джигагь. ЯкьудпеФ, акьас кканди ая машинарин центр. Хабди акьасе мисаъ гьер джурайин логистический, аришваришарин джигагьар.
Газимагомед Гаджиева пуне, ме центрдиъ хьасе кIилди агьал ая цIе оборудованибур. Ме центрдиъ ппара кумак йисе сасра Дагъусттандиъ ая дуьканарис.
Батыр Эмееван чIаларилди, ме логистический центр идже хьасе Дагъусттандис. Ме акьухаб, мич адисе хъара сара хIа дуьканчибур сасра регионариас. Дагъусттандин дуьканчибуривасра хьасе чиппин шейъэр масса йис сасра республикабуриъди, хIуькуматариъди.
Садпе вице-премьерди ме кардихъ хъуттурфухаб, кумак йина кканде пуне хIуькуматин багухъас.
Мич адигуна, Батыр Эмеевас агуне фишттин хIел алди айчин мич вере рекъуьл. ДехIела учин багухъас буйирмиш акьуне ме рекъ дуз аркьагъилди, инсанарис зарар дайина, са кар-лихун дахьуна.

Луиза Гусукаева