Магъу — дере майдан хьурай!

Магъу-дере агъа ттур хье райондихъ цIуппи хъукъуна ая. Манзилра хIаф ая, рекъера ул гьай ушуна кканеттаре. МегIнибурира аве чIалар «Магъу- дере майдан хьурай, агъуларис рекъер хьурай»,- агъай. Хиял акьасе, кьацIра майдан хьасттава агъаф суман авейиф мегIнибуриъ. Авалдин вахттари Магъу-дерейиас ахтт, вартт верегуна хIейванарил алди,  са хIейван вере рекъ и агъа авейиф, е хаб аларуцас давей. 

Гишттин рекъуьъ  сайис сад алчархьу вахттуни сайи сасрайис ицIанди агъа хIейвандин къимат гин хIейван алайхьастти учис рекъ хьас. Амма рекъерин фидегьен читинвелар уйичира ге мисалайихъ зун хъугъайдава. Айчира ме дерейихъас хъара иджи ттур гьирхIай гъургъайдава.

Хабара аве е гъванар адахъуне агъай, е рухар адина ругарин тепебур файдине агъай, е ибхьер угъугуна чIурхасе, магъуъ фиштти аягьан агъай. Хъаттарку мукъра идегуна джемеIетин эхIтибар авейдава. Гьал вере тилифанар аттархьуна айчира магъугI  фарцандава, вун хабар акьуна канве е ахтт е вартт вере машинис кумак кканди айчи. Гебур пасе хьин хьевас гъурзар акьас давере читтинвелар э пуна. Тич мич йирхIуна ге курар арайил аркьа хьин.

Гьалдин вахттари хъуттурфучи рекъера акьуна ая, гъванкIаракес вей ая рекъ гуьинайикесра верегъилди акьуне, асфальтара алихьуне, гьал фи гъургъубар э чве аяф, сара фи кканди аяф агъафсуман ве Магъу-дерейин рекъуьхъас. Гьал читинвел хьуна ая ге асфальтиъ архьуна дуз даркьа уркIарихъас. ХIел-хIел аркьай гIавей гIагъверегуна хиялар адава, асфальт дайирхIуна уйихаб мидегьен хIа уркIар архьуна ахьасттавуй пуна. Кумар алгъавейчира мидегьен Iайи барбатI аркьай ахьасттавуйи машинар уркIариъ архьагуна. Са ис дава Iу ис дава Iари, магъун рекъер гиштти ай.

Гьер хье райондиъди аде хIакимарисра тIалаб аркьа хьин рекъерихъай читинди ая пуна, амма ахир фера адава.  Яваштти гьикай вес хьасе машин, фидегьен вахт фаттивасе ве Iари магъу гиштти гьикай? Рекъерихъ хъулан идара ая хье, кканди шим ахъуна, Iа уркIариъ бетон агьатуна.

Цац хье райондин центрайис атайуйи асфальт, ккандавуйив са намаздехIера файшуна хIасуман уркIар алатIуна. НехIекьди дава хье хIуькуматиъ Iу бала ая агъаф — рекъерна, куметтар.

Миштти гьавабур духIуба давей хьучи зас хье халкьди ппара исари аркьафсуман ве мегIнибур Магъу — дере майдан хьурай, агъуларис рекъер хьурай агъаттар. МегIнибур аркьай амехаба рекъера иджи адава. Хье халкьдис ппара кканди адава: батIар Iэквара, хъаттдадихьай, идже напряженира ай; идже рекъера, джандилас гъил гъуйуна даверегъилди.

Добавить комментарий

Ваш e-mail не будет опубликован. Обязательные поля помечены *