Магомедсалих Гусаевас ме иса хьаси 70 ис

ЕрцIур исан кьабахъди 1951 иса Цирхьеарин са бицIи хIуриъ хуне Магомедсалих Гусаев, агъуларин миллатинф. Мин дад, Гусаев Магомед Курбанович (1915-2006), ацIуна исари курар акьуфе бригадирвелди колхозариъ. Баб, Гусаева Айша Расуловна (1922-2004), исполкомдин председательвелар акьуфе.

1977 иса Магомедсалих Гусаева ккиркIуне хурубар ДГУ исторический факультетиъ. Хурубар ккикркIуфна сад, те иса ме хьуне
ДГУйин профкомдин председатель. Хабди ушуне комсомолдинра партийный курарилди.

ГIаттивуне джемеIетин депутатвелди Дагъусттандин АССРдин. 1986 иса микес
хьуне райондин исполкомдин председатель джемеIетин депутатарин. 1991 исалас башламиш акьуне ми кар акьас Дагъусттандин АССРдин комитетин председательвелди по делам национальностей, 1994 иса — министр по делам национальностей и внешним связям РД. Гьеме кардихъай барамбарди ми аркьайи хъара Дагъусттандин Совет Безопасностин Председательвелра.

8 июльдиъ 2001 иса Гусаевас акьуне садпе теракт. Тегуна ме ухIуне гъилиф фая дипломати. Лекус иттар акьучира, сасра хIа курариккес ухIуне. 27 августиъ 2003 иса
акьуне хаб Iудпе теракт. МахIачкъалайиъ, кардилди вея рекъуьъ, светофордигь гъузу арайи машинилди гьуккай гьучадина са инсан, ме хъая багухъ машинин гъвадил
алийина кIаре чIилIан гьишине. Са вахттра дахьуна чурхъуне машинил алийи чIилIан. Ме кардифас кIине Магомедсалих Гусаев. Чурхъу арайи машинин гъвадиъ архьуна уйи хIа улуд. Хабди пуне мисал алйина уйи 300 грамм тротил.

МахIачкъалайиъ мин ттур алийная са куьчайил. Гьер иса ме куьчайиъ аркьа михъас митингар. Хъара аркьа Гусаеван ттур але настольный теннисдиас турнир. ЯгIара, гьер исара кIвал аркьа Магомесалих Гусаев.
Михъай те вахттуни кар аркьай уйи инсанари ахъаркьа ми акьу кураририхъас, акьас йиркIураъ уйиттарихъас, фидегьен хье

Дагъусттандихъас, гьер са миллатихъас йиркIв руцIай ичин мин. Акьас йиркIураъ курар ппара уйи мин, амур акьундава. Ме ягIа инсанари, дусттари, багу-кIилинттари иджвелин чIал агъай кIвал аркьа михъас.

Луиза Гусукаева

Добавить комментарий

Ваш адрес email не будет опубликован. Обязательные поля помечены *