ЛикIинарин бахтта

Те вахттари ппарагlди буханккабура авейдавуйи, аркьайиф гуниварикес бахттабур и. Амма гьалра бахттабур аркьаттар кам вей адава. Бахттабур авейи lу джурейинттар: ликlинаринфра, мурцlар ирхlу туьллефра. Гебур lудара, баркаванар, хьес хье lуьммурдиъ хум весттава. 

Мурцlар ирхlу гуни идже ве джар, ифал алихьас, джуре lеле шейъ алдаркас. Кlвалди амефхьасе чlукь кегъархьуттарис, беликин гьалра аркьафхьасе бицlи шиникквари хlурариъ, иттеф пара хьуна айчинра, алдаркуна ифалра, алахъуна пусукlра, кьацl атай lелефи. Гилас идже lелеф авереф суман вейдавуйи. Фаттархьугунара ифал кея багв ахтт акьуна и фаттархьайиф, джалла куранди ругари.

Ппара темехl гьалра ве батlарди акьуна ая ликlинарин бахтта агугуна. Ге гуни аркьайи гьуруккал ирхlуна, батlарди кеттивуна lирlе акьуна улудар. Ппара хlуьчан ве ме гуни фатlас ликlин аягъилди. Бицlиттарис йис идже ве гъилиъ укъай.

Амма алихьас, алдаркас фи хьучинра идже вейдава, джалла кевей куранди. Авалдин вахттари джуре гlурар алтухъ авейдавуйи, инсанарихъ хъавейи суьлен гlур, гунивара аркьайи ге гlурикес. Суьлен гуни пугуна, кlилин фикирдиъ архьа ликIинарин суьлен гуни, са ликlин lуьтlучинра фун арцlайиф.

Уч гунира цlуьппи авейи, тIегlемра ппара кивейи. Хъара неккдигl, джуре lеле, уха шейъэригl гlикlай, ликlин-ликlин аркьай lуьтlанас идже вейи. Гьалра авалан ахттилатар унихьугуна, байирариъди ппара гъайиф ликlинарин гуни и, е ге гуни мурцlар ирхlуттилас ппара аркьайиф ичинра ягlайдава.

Агьалдин вахттари хьин lелди аяф хlурариъра ппара буханка э. Аме хlурар, хьурар, хулар бахттабур аркьаттара. Са-сагегай хьунара: садакьа аркьагуна, хlурариъди гlалашуйди ушугуна е милатарин хlаягъар аркьагуна фатlуна са ликlинин тlем акьас ве. Хьин хье гlедат, бина хум гьартаттарикес дахьурай. Ликlинарин бахттабурин тlем хье сивариас аттдархьурай.

Камиль Мирзоев

Добавить комментарий

Ваш адрес email не будет опубликован. Обязательные поля помечены *