Каспийск шагьурдиъ хьуне 7 пе Международный турнир вольный борьбайиас Курамагомед Курамагомедован призариас. Ме хIа спортивный кар вей аве гьер иса ПАО «Россетин» кумак хъай.

Мисаъ завал хьуна уйи борецар 1999-2000 исари хуттар. Мебур э зурба шиникквар хье хIуькуматин гьер мукьариасра, джуре хIуькуматариас. Iу ягъан арайиъ йна хьуне 11 комплект медаларин 42 йиас 120 килавиди рукьасттегьен. Дархъай ме турнир РД спортин министирди Магомед Магомедова пуне хье райондиъ гьер иса  Iу вершдегьен международныбура всероссийский соревнаванибур  гьер джурабур, вольный борьбайиас Дагъустан дузвелди кеудигь ая мукьариъ ая.

Кеппара медалар гъуйуне Дагъустандин вольникари. Гебури гъалибвел гъуйине килавариас 42, 46, 50,58,76 и 100кг.

Джала садпе мукьар гъуйуттарис йине кьиматая подарокарна пулар.

«Зун пара шад э зас гьергелай кумак аркьай ая компанис «Россети» гин хIаттис Олег Михайлович Бударгинас, хьевас агърукьай ая кумак акьас джигьиларис, чаб агвар акьас, чиппин мукь джикIенас Iуьмурдиъ», — ахъакьуне ДЮСШ и энергия агъа директорди Курамагомед Курамагомедова.

Ме турнир ахиран исари вей аве физкультурно — оздоровительный комплексдиъ Каспийскдиъ. Ме дахъуна уйи 2013 иса ПАО «Россети» генеральный директордин Олег Бударгинан кумак файра и компанин «энергострой — МН». Здании гъадивай хьуне исна сур. Мисаъ ая тренажерный зал, раздевалкабур, медицинский центр, служебный кабинетар, хъара сасрабура. Масаъ ая джала условибур мишттин мероприятибур акьас.

 

К.Мирзоев