Кьур ругIа рагI

Авала инсанари ппара загьмат аркьайи  ризкь бадалди  чиппис са гунин кьурцахъас. Сагелай  узайи хуппуриъ кьур суьленф, экIенф, джарх хьурай, гьерттихъ фи хъайчин. Хуппай чиппис хье мехIсул завал акьуна сумар алайхIайи.

Хуппай кьур адартайи гъилин рагIариас. Кьуракес аркьайи гIур, нирхь хьурай,  къара кканчин муссу. Гьер хулахъ хъуйи гъилин рагIар икIуна чиппин къварариъ. РагI къудаваттар вейи багун-кIилинттарихъди.

Хабди  инсанари акьуне чиппис хьеттин рагIар, гебур аркьайи нецIун багулив мехIелайигI сад. Гиштти идегуна мехIелайигIас гIаттивайи рагIарикъас ахъаджихIаф.

Кьанди аттархьуне ттукун рагIар. Ттукун рагI уйи гьер хIуриъ сад. ХIа суман хIурари Iудра ке уйи. Хъара ая кулакин рагIар. Гишттин рагIар ппара ишламиш аркьа Iуьрусатти ая хIурари.

Гьалдин заманайин инсанарис рехIетар ппара ая. Са загьматра дахьуна дуьканари гIура ая, гьезур гунира ая.

Наибет Гасукаева