Хье Дагъусттан бинайилас мич лап ппара миллатар къвал-къвалас йирхIуна, нуьхIуьбат, хIуьлмат, баракат хъай джалла сад хьуна халкь яшамиш вейа хIуькумат э. Ме халкьарин садвелис, шадвелдис, тушкин вегIдайи гIеджизди аяттарис гъил гьучихьуна кумак акьубан мус хьичира кьимат хIа э. Хъара ми кардин шегьидар э хье валаятин халкьари патталас адиная инсан, гIалашуй кьабул акьубан тагьар, гебурис авере хIуьлмат кьимат.

Агьалра гьаме чIирхIе коронавирус агъа гIуьзурдихъас кIилди джемеIет четин даражайиъ ая. Ме иттал багьана
хьуна Iу-хьибу вазарилди халкь хулаъ учIуна ацIуна инсанар кураривас хьуна четин хьуне.

Гьеме кардихъра йиркIв фай хъучушуне Дагъусттанар. Четинвелдиъ архьуная инсанарис кумак бадалди арайил акьуная, «Мы Вместе» агъа акцин къайдайилди хаб завал аркьая хьибцIурна хьибу агъзур ишиг ицIанас кумак бадалди касибди ая хизанарис.

Мебуриъ икIуна гьер хулас ке Iайи герек вере суман продуктара: гIур, пусукI, бурунз, гречка, овсянка, перловка, се-
мичкайин ччам, макIарумар, чайин IуькIер.

КIвал акьасе хьин, ме кар акьас хъучучIуне апрельдин вазалахъас хаб. Тегуналас мич пай акьуная къанна ери
агъзур ишиг, килаварилди хIисаб дивучин Iу верш агъзур килав.

Гьемишттин акци арайил акьуне Дагъусттандин Правительствойин кумакилди гьер джуре организацибри:
Всероссийское общественное движенийи «Волонтеры-медики», Общероссийский народный фронтди, Волонтерский центрдин ассоциаций, благотворительный фондуни «Живи и дари жизнь другим».

Ме благотворительный фондунин хIаф Лейла Керимовайин чIаларилди ахиран вахттуни кумак кканеттар алтухъ хьуная.

Ке удигьастти кумак аркьая Ватандин ХIа дегIвийин ветеранарис, садпе группайин инвалидарис, гIеджизарис, музе
шиникквар ппара хъая хизанарис. Хъара Керимовайи пуне Республикайин гьер районариди ягIайин ягъанис хьибцIурна са агъзур ишиг гьикуная. Кумак аркьаттин гъил мусра Iар хьастттава агъафе.

Салихат Малагусейнова