Кьулла

Хьед — ке лазим шейъ э инсандин Iуьммурдис. Хье джилил ке буллди ая задра э хьед. Амма инсандис фидегьен хьучинара гьуркIафра дава. Авала, гьал суман хулан раккахъди рукьуна файдина хьеттар адавуйи.

Гьал раккахъди давай хулан гIанаъдира ачагъа хьед. Амма инсанарин ул хъархьа ругъу булахин, кьуллайин хьеттихъ. Булахар агьал айчинара, кьуллабур аркьай андава. БицIи хIурариъ агьалра аме. Хье усариъ суман Iуьрусаттин хIурариъра аме.

Аркьайи кьулла уьркIи рукIуна уркI, гъван йирхIуна гIанас. Вартталас аркьайи бицIи хал суман. УркI аркьафе хьед завалхьас, варттал усар аркьаф э батIарвелдис суман чиркинвелра дахьас, хьед мертти амилгванас.

Авала хумбар вейи кьуллайилди хьед гъас ифан гварар фай. Завал вейи джалла хумбар чиппис хабарар акьас. Шибер завал хьегуна, джигьилар завал вейи чиппис сусар гIаттивас. Кьуллайин хьед мерттеф суман дарман кеяфра хIисаб аркьа.

Наибет Гусукаева

Добавить комментарий

Ваш адрес email не будет опубликован. Обязательные поля помечены *