Куче гъван

Дуламиш вагIари ахьунаа са кьуджа. Къуджа хьуна Iассеф, аркьари хьунаа фурдехар, къаравул вгIал аркьари хьунаа колхузин багъди, гьегиштти Iа, хьибу манат аркьари хьунаа учис дуламиш хьас. Хъесуйил алхьунаа ахIа иншан. ХIадар хъадурфагуни гин хъессу Iэлхъенди ашира, аргвари хьунаа хъачадивуна. Шиникквари ягъди бизар аркьари хьунаа хIадар.

Са ягъарикес са ягъа Кьулбан агъа гада ачушунаа багъди хъаттикIес хIечар.Къаравул агуф, йехI акьуна гьишас хъачучIунаа ме, хъукъунаа къадакъихъ гIархьунаа уьттарарин кIуругI. Куьдунаа джанар алархьунаа иъ гIавчIас вагIари ахьуна адава. ХIаван рудж суман ахьунаа гадайин шавлар чIирхунаа. Къаравулди чIалра дапуна аттафайинаа гъайикуна гада халаъ ина хIечара. Хьунаа гадайис ламус ушуна ме дараъ, гIачахъунаа Iуьр. Агунаа мисс IуьрагIас са гъван, икьуна ме гъвандил шавлара хьуна. Iэшалин джув ра хъари гъайишинаа гада варвура хутI икьуф суман. Хъадурфунаа ме варв дава, куче гъван. Гъвадик ликIина ахьунаа.

Гьеме гъван сувал алгъафайшутти.

Сувал ягIатIуттис

Эсе хав джагьил Iуьмур.

Дуламиш хьас цIайила.

Гьеме бала печатI хьуна адава гъвандик кееф, якьуд плюсар, хьибуд хатIар, кIаш кехьунаа улул ае якьуд запятаявур.

Пашман хьунаа Кьулбан. ХIейиф мейге зис кIилди ярчIу ис э. Фиштти э бицIиттаригIари  вагIреф. Аркьари фикирар вагIари хьунаа Кьулбан, агуна мисс вагIари къаравул, аркьари хъуьхIуьра, кедагъуна кираджин бадрара, гIаненкIилил алихьуна кIашра мачальккайин уригьбагв гьаеф. Идже фикир архьунаа Кьулбанан иркIура, ала гва зун пасе: ме хIадарас те гъвандихъас, хьасе микес джагьил.

ХIадар гьим алахъунаа Кьулбанал, пунаа чухъ сагъул зе хуттул, къаравул вгIал атуна Iуьр ае вусаъ зун вагIастава. Зун ушушин ме багъ ккеттихьасе шинникквари.

Добавить комментарий

Ваш e-mail не будет опубликован. Обязательные поля помечены *