Куьча дуз аркьай ая

Дуьйин варттал ппара савабин курар
э рекъер батIар акьуб, мугIар алийиб. ХIа
яшдин инсанари агъай аве, ме кар барамбар э пуна хIа савабарихъай. Дагъусттандин районариъ ке четин вереф рекъерихъас э. Фидегьен батIар акьучира, тIабиIетихъай хIуьджат акьас вейдава. Хьес ппара угъай ве хIа угъалар, хипхелар. Ме угъа вегIдайиъ куьчабуриъди лек адикIас верегъилди авейдава. ХIа ярхар аве гIавей.

Тпигъарин хIуриъ мишттин тушкин рекъерикес сад э Буцурихъас Раттиккди гIавере рекъ. Гьер угъал алайшудегьен алгъархьуна багIра азман хандагар адихьуна аве ме ус, дахьучира гишттин мукь э. Ттиъ ме рекъ гIачихьуная «Мой Дагестан – мои дороги» агъа проектигI. Ме кардин заказчик МКУ «ОКС и ЖКХ» МО «Агульский район» э, курар аркьаф ООО «Альянс».

Хье ЖКХйин хIаттин Шабанов Шабан Абдурахмановичан ахттилатарилди, мебурин икьрар э мер екъуьъ бетон агьатуб. «Асфальт ме рекъуьъ угъалари гъирхIас атасттава. Че муш кея бетон са муз цIуьппе хьасе пуна», — ахъакьуне Шабан Абдурахмановича.

Авала джалла рекъер чIирхIи и. Гьалдин
вахттари мишттин тушкин рекъер агугуна
йиркIвракегьей исал ве. Нагагь гьамиштти
бицIи–бицIи райондин аваданвелдихъ хъучушучин, хье хIа гьуларис, джемеIетин чугъ сагъулра ппара хьасе.

Салихат Малагусейнова

Добавить комментарий

Ваш адрес email не будет опубликован. Обязательные поля помечены *