ЯгIа интернетариас, телевизорариас, инсанарикес ке ппара унихьа хабар э коронавирусдинф. Иттархьуне, сагъхьуне, кIине агъай сивил алдеф са ахттилат э. Самуз инсанари эхIттият акьу вахттуни иттаттарин хIисаб чIукь ве, амма са бицIиди инсандин фикир яваш хье вахттуни, цIакIинар, гамачIар, алчушуб-алттушуб хье арайи хаб ппара ве иттаттар.

Инсанарин фикир гьал ппара хьуная вакцина акьубахъди. Хье райондиъра прививка акьуттарин хIисаб ягъалас ягъа ппара вея. Сад мебурикес Магомедова Алена Абдулгалимовна. Ми кар аркьая ГБУ РД «Вести Агула» отделдин редакторвелди. Гьер ягъа хIуькуматтин кардилра алди, ягъа–ягъа  инсанарихъай гьучархьай ппара хIа мункинвел ая иттархьас.

Хъара хулаъ ая бицIи шиникквар, мактабариъ хураттар. Мебурира файдиб мункине хулади иттал. ДехIела учра, амметтара итталигьас вархал акьас йирхIунафе ми руб. Се инсанарисра агафе-хъара эхIттият акье, вахттуни чвас прививка акье.                                                         

Луиза Гусукаева