Са хIефттайинди удигьай хье Дагьусттандин футболин клуб «Анжи» ппара зурбадалди дурхIуна ккедикуне садпе мукьуйиъ вей уйи Санкт-Петербургдин «Зенит», мегунасттегьен гьинара ккедикуна адавуйиф. Хьеттар ме играйин хьибу очкора къазамиш акьуна чIукь вартт агъучIуне турнирдин таблицайиъ. «Анжи»- «Зенит»-2:1 (0:0)
Голар: Маркизно, 47(0:1), Понсе,71(1:1) Кулик,83-с пенальти(2:1).
«Анжинттар»: Дюпин,Удалый, Белоруков,Чансельор, Кулик, Гиголаев,Чайковский, Рабиу (Глобов,84),Савичев, Долгов(Ахьядов,69), Понсе (Ондуа,80).
«Зенит»: Лунев, Иванович, Нету, Набиуллин (Заболотный,83),Смольников, Парадес, Маркизно (Кокорин,61),Шатов (Кузяев,46),Ерохин, Дриусси, Дзюба.
Наказанибур: Савичев,5 Парадес,а Чайковский,59 Удалый,60 Смольников,82 Дюпин,90 (предупрежденибур).Белоруков,76 (удаление) Судья: Алексей Матюнин (Москва).30 сентябрь Каспийск Стадион «Анжи-Арена».
«Зенит» адине Дагъусттандиъ ке-гьява мукьуйиъ ай. Муягелай дурхIуна сагелайдала гулуна адавуйи гебурин очкобурин ничья акьуна «Спартакихъай».Аме играбуриъ гебур гъалибвел хьуна уйи джалла гIачихьуна-гIачатуна голар 17-5. Хъара хьибу ягьанди удигьай «Зенити» гъалибвел гъуйуна уйи Астраханьдиъ «Волгарь» якьу гол гIачихьуна хье хIуькуматин кубокдиъ. Ахиран вахттари «Анжинра» дурхIуб иджи уйи. Кьанди «Динамо» Москва ккедикуне,удигь ягъари 1/16 кубокдиъ хъара гъалибвел хьуна уйи. Гиштти идегуна чукь фурс кей, къудурдисуман уйи хьеттар.Башламиш акьуне игра сад сайис сасуманди гуджар алгъихьай. Амма хабди «Зенити» учин гъилариъди гъуйуне игра. Хьекьданди гол гIачихьа арабур хье воротабуригь хьундава. Багу вейи тебур, амма Iайвел кидавуйи.Заварикес алдихьу туппар е хье вратардив фачархьайи е защитникари адихьайи. Iудпе тайм тамашинф хьуне хъуттурфанас адаттарис, хъучучIай ами тебури хьес гIачихьуне гол. Гол гIачатуф Магомед Адиеван гъиликк ккеяттар дире хьуне, амма хьес сагелайсара гIачихьас хьуне Кокорин айчIуне вратардихъай сатти. Бахтт хьуне дузди вратардис суман киркьуф, ги адихьуне училди аде тупп.70 пе минут шадвелдинф хьуне «Анжис» Понсейи йицIу митIригьас батIарди йирхIуна гIачихьуне тебурис гол.
Гисал кIиркIундава.
Белоруков ачирхIуна Дзубайихъай хьуна ире карточка гIадикуне. Илгуне хьеттар йицIуд тебурин цIесайихъай.Хъуланди ая джемеIетис кканди уйи ничьядехIера иллгвангьилди тебурихъай. Хьеттари ничья кидавай гъалибвелдихъ темехIхьуна уйи. Гиголаев ачирхьуне «Зенитин» штрафнойдиъ къазамиш акьуне пенальти, зурбадалди гIачихьуф Кулика. 2:1″Анжи» хьибудпе матчдиъ хъай-хъай гъуйуне гъалибвел, хъара чаб чIукь ай садпе бахъу йине «Зенитис».
«Анжи» хьин хъара шад аркьаттарикес хьурай!
К.Мирзоев
