Хье хIуькуматиъра, райондиъра рекъерин четинвелар ппара ая. Гехъуьнаъди вере рекъ фарчIвая. Гихъас мегIни ликIина ая гехъуьнарин хьира Патимат Османовайи.
Калле-рух
Калле-рухан рекъуьлас
ВагIас ппара гучIарай хин,
Аллагь – яллагь агъари
Машинавур алаттагIарай.
Вартихъ багъ дагьар э.
Эйкк багв техIтисара э.
Машинавур вагIаре рекъ
ЯIани ае ятум дехеф суман э.
Хулдукк ае рекъуьъ руг ахъас
Джагьилар завал вагIарай,
Калле-руха рекъ акьас
Улар алакьуттар суман руцарай.
Алихьу ментулас суман
Валас машинавур алатагIарай,
Гьеге рекъ дагвастти
Сельсоветра теIди вагIарай.
Iардана хьасе ругъу ягъар,
Машинар рекъуьл гъархIасе,
Налукарна рекъерис ирцIан пулар
Машинайин уригь гъузасегьан?
Я, хIекимар, законар,
Рекъ фархьай вагIариа,
Iуьшири вагIареф хьушин,
Учивас рекъ хас хьасегьан.
Гехъуьнарихъ ругар, гъванар хъадува?
Рекъер, мугIар аркьа усттавур адува?
ХIуькуматихъ пул хъадува?
ХIарен сельсоветис аргвайдува?
