Советтарин хIуькумат  идегуна  гьалдегьен чIирхI-чIар  ппара верефдавуйи.  Фас пичин,  мидегьен каробкабур, пакеттар афдавуйи. Гьалдин  заманайи са бицIи зад  гъушучира  пакетиъ  икIа. Гъушу шейъ ишламиш акьуна, пакет найч кканчи хьурай пуна фадихьа. Гьертти са  пакет, са каробка  фадихьугуна  дуьнья  алгъаригъа  ме  шейэри, кIурар, аггъучIуттар суман,  керцIа  пакеттари.  Гьер  хIефттайиъ  мертт дакьучин,  вехIтта  акьас  деведегьен   алгъаригъа.

Ме кардихъас  Агъул райондиъ пара ижи алийина кар. Гьер хIефттайиъ Iугелай  машинариъ  архъай  аттгъа  чIирхIар. ЧIирхIар  завал  аркьа  мукьар гьер  куьчайи ая. Инсанар цIайи гъавурди   адархьайчин,  гьал жалла гъавурдиъ архьуная. Найч  хъуттурфучира нандира  пакет,  каробка аргвай  андава. ДехIела агъаф, къайдайин кIил  мерттвел.