Iу ис вея дуьйил коронавирус агъа иттал инсанарил хIевалат хьуна

Магьа Iу ис вея дуьйил коронавирус агъа иттал инсанарил хIевалат хьуна. Фидегьен духттурари эхIттият акье пичира, инсанари ме чIалар фачатундава. Духттурарин ппара тIалаб и инсанарикес алтухъ ппара джемеIет ая усариъди душуб, маскабур, хьухьалар аликIуб, гъилар гьер джурайин антисептический средствабурилди мертт акьуб. Гьемебур акьучира, иттаяттарин хIисаб чIукь вей адава. Гьеме кардис кумакис адихьуная прививка «Спутник-V».

Ппараттари акьуная ме руб. Сад ме руб йирхIуттарикес Магомедова Наида Магомедиевна. Ми кар аркьая ЦТКНР Типпигъарин хIуриъ. Спутник-V ата Iу нубати. Садпе руб йирхIухаб, Iудпеф йирхIа хIисаб дивуна къана са ягъалас. Ме руб йирхIухаб, гьерттин са гьава ве. Сурис дуьрхье, кьацIра йирхIуфра хабар дайина алттве, сурис са чIукь четинди ве.
— Наида Магомедиевна, фиштти хьуне вас йирхIу руб?
— Садпе руб йирхIугуна зас кьацIра хабар йиндава. Зун ппара шад хьуне рехIетти алттушуф. Iудпеф йирхIухаб, зас йине хабар. Руб йирхIу гъил хъая багв алагъай хъучучIуне Iуьр аркьай. Джандин гьавара буш хьуни. Температура гъайшине са чIукь. Амма мишттин гьава ай ппара гагь хьундава. Кьабахъ ягъас зас идже хьуне.
— Фас и вун рази хьуф руб йирхIас?
— Зас ппара гучIа ме итталигьас. Зун инсанаригI хIуькуматин кардил алегуна, гьер ягъа мункин кар и иттархьас. Зе багу-кIилинттар, ягIаттар ппара Iайи иттархьуне. ДехIела вахтт ами зас кканхьуне ме итталигьас вархал хьас. Зун иттархьухаб, зе хуланттар, ягъа-ягъа аргваттар, — джаллабур иттархьаси кедишина. Гьемиштти идегуна зунра, аметтара варха хьас коронавирусдигьас зун руб йирхIуне. Зе хIисабарилди, джаллабури ме руб йирхIучин идже хьасе.

Луиза Гусукаева

Добавить комментарий

Ваш адрес email не будет опубликован. Обязательные поля помечены *