Коронавирусдин гьава ягъархьас хубджи гагь герек хьуне инсанарисра духттурарис. Ме кедиша иттая инсандикес инсандикди гъил фацу арайи, гIемчибур, мухур акьу арайи. Ме иттал киркьу арайи гьертис гьергъилди читин ве. Са ппараттари итталин гIезабар рехIетти гъадива, са ппараттар, лекул гъузанас давей, ахуниъ архьа.

Мус хьичира гьер са цIайи аттархье итталис духттурари джиркIенфе руб, дарман. Мегелайра коронавирусдис руб арайил аркьай са вахтт хьуне. Руб йирхIас башламиш акьуф, итта инсанарин санра чIукь хьуне, итталин гьавара яваш хьуне.

Агьал, ягIайин ягъас алийина уйи къадагъабур алттивуная. Айчира халкьди мугъатвел фатуна ккандава, кIваласра гьатуна ккандава, фи ягъар-Iуьшар рукьас акьуфчи ме иттали джемIетил. Гьертти фикир акьуна кканде училас асулу идеф джемеIетинра сагъвел. ДехIела джаллабури, джандин сагъвелдихъ хъуттурфуна, акьуна кканде вакцинация. Ме иттал ппара джурейис духIуба хьуне, хьес ягIайдава, гуландефев ме ери фи кIалиб фацуна ме хаб адесчин хьеалди.

Луиза Гусукаева