Инсанар найчра тIуршай адава

Са исан арайиъ якьугелай духIуба ве тIабиIетин хьава: цулана, хьидана, Iурдана, гIулана. Гьер вегIдунин ая учин ухьтанвел. Амма хIа пай инсанарис ке Iайи кканеф гIул э. Кар ппара алчархьайчинра инсанарил, кканедегьен ккидиркIваф агъа гIулин вегIда.

Курар аркьайчинра рехIетвелара аве. Пичиъ цIабурар агъикIайдава, хьибу тIунис маларилди салаъди ачавейдава, хьеттар ругъайдава. ГIулин са ягъа Iурд ухIафе агъа мисала ая хье. ДехIела инсанар гIулди лиханде Iурдис учисра малдисра кьафун ахъийанас.

Ирхе ибгIа ягъар, гъазе чIирар агугуна джурейи гIешкъ ве инсандин кар акьас. Амма хIаттариласра Iайи гъузуна аве гIулихъ шиникквар. Магьа садпе июньдилас мич хъучучIуная, мактабариъ ая шиниккварис 9 – 10 классар кедавай, ке ирхе гIулин каникулар.

Каникулариъ шиникквар найч хьунара ве. Дадар-бабари кьасустти курарилас отпускар гъуланде гIулана шиникквар хъай найч хьунара вес. ХIурариъ аяттарис кканве шагьурариъди вес, хIуьларихъди, гьер джурейин тамашабур ая паркаридина атракционариди.

Шагьурари ая шиникквар ве хIурариъди хIабабарихъдина-хIадарихъди. Мебурис мисаъ кканве. Фас пучин, чиппис кканегъилди дагучIай аруцас ве. ХIададари-хIабарира гIентIи вардиш аркьа мебур кканеттар аркьай. ХIурариъ мебурис ая мертте уха хьед, ширин якк, хIекьдан некк, джар. ГIул хьеф IурчIе акьуна аве адиттари хIур.

Амма ттиан гIул кьацра хьеф суман адава. Е хIурариъ аяттаривас найчра вес хьуна адава, е ппатталасра фушра адиф адава. Агьал дуьйин хьава иджи адава каронавирусдихъас. ДехIела алтухъ лазимвел адавай инсанар найчра тIуршай адава.

Луиза Гусукаева

Добавить комментарий

Ваш адрес email не будет опубликован. Обязательные поля помечены *