Инфекционистти ахъакьуне, хъара фидегьен гагь хьасичин пандемийин

«Коронавирусдин пандемия илгванасе хъара кеади кIил са иса сара. Авала уйи Iуьмурдихъди инсанаривас адес хьасе хьиданан итталин гьавайихъ хъуттурфуна. Тегуна дала ягIар хьасттава, фидегьен Iайи зарар кейчин коронавирусдикес»,-пуне врач-инфекционистти Евгений Тимакова.
Дахисуман Pfizer агъа дарман адихьу компанин хIатти Альберт Бурлаева пуне, авала уйи Iуьмурдихъди исан арайи адес хьасе инсанарис гьер иса вакцинация акьучин. Тимаковас алихьуне суал, фидегьен гагьди илгванасе пандемия пуна?
«Ке ади кIил са иса. Агьал ппара читинди ая ме суалис хIекьдан джуваб йес. Фас пичин, мехIелди дуьйин гьава пара Iайи читинди ая. Иттаттара пара ая. Хьидихъдидала пас
хьасттава ме итталин фидегьен гагь хьасичин. Те вахттунис коронавирус нае багухъди айчIвас ичин, фишттин гьава мисс йирхIас ичин хьес ягIай адава. ДехIела хьин ппара эхIттият акьуна кканде. Хъара вакцинацихъра гьерф фикирхъай тIушуна кканде», — пуне Тимакова.