1941-1945-пе исар кьадар, кьисмат хьуне хье хIуькуматис суман, кIилди дуньяйисра. Душман хIевалат хьуне хье ватандил хабарсузди, саламатдалди чиппин курар аркьай, багайин ягъ аркьай экьуна инсанарил. Душмадис акси айчIуне хье халкь. Гъайшине хье инсанар хIаф-бицIиф дагъай.

Ушуне дегIвиди гьер мукьариъ ая хIа шагьурариас, районариас, хIурариас джигьил аскерар ватандин удигь бурдж ес, чипппин ватан ухIас.

ДегIви хъучучIуфна сад, Агъул райондин гьер хIурариас ушуне джигьилар, атуна чиппин Iусе дадар-бабар, хизанар, шиникквар. Гьеме файшу джигьил аскерарин джалгабуригI гIуйи Раджабов Алихан Раджабовичра.

Раджабов Алихан Раджабович хуне 1915-пе иса Агъул райондиъ Гъудагъарин хIуриъ. Хье ватандин хIа дегIви гъайшина са вахттра хьундава, Хивский военный комиссариатиас файшуне ме армиди.

Алихан Раджабов уйи 167-пе стрелковый полкуниъ 345-пе дивизин.

7-пе мартди 1942-пе иса Алихан Раджабович хьуне эвакогоспитальдиъ №2128. Са вазалалас ме гьикуне хулади. Хабди хаб ушуне ме дегIвиди, уч учин ламусна кьастт фай. Иштараквел акьуне ке четин дегIви ая, хьеттарис душманари зулум аркьа мукьариъ. Гъушуне ппара зурбавелдинра игитвелдин джавизар.

КIине Алихан Раджабов 2006-пе иса Дагестанские Огни агъа шагьурдиъ.

 

Наибет Гасукаева