Исмаилов Рамазан Гасанович дуламиш вея Хутхуларин хIуриъ. Кар аркьая Агъул райондиъ ЦРБийъ завхозвелди. Яшар Рамазан Гасановичан э ерхьцуралас вартт. Кьанди, гьеме ноябирдин вазала ми акьуне ревакцинация, агьал ая коронавирус агъа итталин. Удигьай, апрелдин вазала  ми йирхIуна уйи  Iу компонентин руб Спутник-V агъаф.

Рамазан Гасановичан чIаларилди,  садпе нубати Iу компонентин руб  йирхIу вахттуни, джандис хабар йиндава агъа учин.  Амма ме нубати ревакцинация акьугуна, бицIи давленибури бизар акьуне агъа уч. Хъара  температура  хьуне хьибу ягъан арайи. ЯгIайин ягъас Рамазан Гасанович иджи ая, учин кара аркьая. Руб ме коронавирус агъа итталин йирхIубал  пушмал дава агъа уч.

-Садпеф, зе джандин  сагъвел ухIас, Iудпеф, зе багу-кIиларихъас, зе илдешарихъас фикир акьуне зун. Са инсандин сагъвел  хьуб — кIилди хизанарин сагъвел э,- пуне Рамазан  Гасановича.

 

Наибет Гасукаева