Хьуне маджлис

7-пе апрельдиъ Агъул райондиъ, Тпигъарин хIурин КДЦйиъ, хьуне хумбарин маджлис багъш акьунаяф хье хъучавея Рамазандин вазалас. Ме маджлисиъ уйи хье Агъул райондин председатель совета имамов АхIмад Гарунов, Тпигъарин имам Муса Мусаев, хъара ЧIаарин хIурин имам МухIаммад Мусаев, хумбарикес муфтиятин отдел просвещениъ Агъул райондиъ кар аркьай аяттар Гарунова Гуриперина Мусаева Хадижат. Садпеф, джалла имамари мубарак акьуне хье Агъул райондин джемеIетис хъучавея Рамазандин ваз. Ахъакьуне хье пайгъамбар МухIаммад (с.гI.в.) Iуьммурдихъас, гин хизанарихъас Хадижа (р.гI.), ахъакьуне Имам Шамилан Iуьмурдихъас, фишттин диндис цуппе инсан ге хьунайчин, фиштти Имам Шамил хье дин бадалди гъазават акьунчин душманарихъай. Хъара мисаъ гъургъуне фиштти хьин вардиш акьуна кканди айчин агьал заманайи хье шиникквар, фиштти хьин диндихъди гебур цIуппе акьуна кканди айчин. Имамар аттушухаб, хумбарис ягIар акьуне къулгунин шартIар, фиштти фацуна кканди айчин, гIайшуна аядегьен сивар ухIагъилди. ЯгIар акьуне хье диндин чиярис кIиная инсан фиштти Iуьччуна кканчин. Гъургъуне хье диндихъас. Ахирахъди ме маджлисин акьуне хумбарис викторина, алихьуне суалар. АгъатIуттарис йине савкьатар.

Наибет Гасукаева